VOV.K'Ho- Tơngai bơh nam 2025 tus 2027, càr Lâm Đồng lơh 5 nơm hìu bơsram ơm sa bic tơn bàr kấp tàm ală sàh tiah nhàr lơgar tàm ù gờl Dăk Wil, Thuận An, Thuận Hạnh, Tuy Đức mờ Quảng Trực jăt gùng dà broă lơh bơh Bộ Chính trị dê. Tàm hơ̆, bàr nơm hìu bơsram sơn đờm mŭt lơh bơh lồi nam 2025, jăt broă rơndăp lơh rơ̆p lơh gơs tàm nhai 8 nam do nàng ai ngui. Tềng đăp mờ bơta kal ke jăt tơngai lơh, cau tờm bơcri priă lơh, cau lơh bal mờ ală gah lơh broă geh gơnoar bal mờ ală sàh tàm do gam “Ntoăt pơrlòng”, bơyai lơh ngai kung bè mang nàng lơh gơs di jăt mờ tơngai neh geh ai.

VOV.K’Ho- Mho òr (02/06), tàm Hìu lơh broă Chính phủ, ồng Lê Minh Hưng, Thủ tướng Chính phủ neh đơng lam dơ̆ pơrjum mờ ală Ƀộ, gah broă lơh dà lơgar mờ đơng lam ƀòn dờng Hồ Chí Minh, ƀòn dờng Đà Nẵng bè lam lơh bơt bơtàu, lơh broă mờ rề ơnàng Anih priă jền ală lơgar tàm Việt Nam.

VOV.K’Ho- Mho òr (02/06), tàm Hìu lơh broă Đảng Dà lơgar, ồng Tô Lâm- Tổng Bí thư, Chủ tịch lơgar, Lam bồ Mpồl Sồr lơh đơng lam pơrjum Mpồl Sồr lơh Dà lơgar bè sền wơl 1 nam mut lơh broă lơh mờ bơyai lơh tơrgùm bal bơh ală anih lơh broă cíñ trị mờ broă lơh gơnoar atbồ 3 kấp.

VOV.K’Ho- Ngai òr (02/06), tàm Hìu lơh broă Chính phủ, ồng Phạm Gia Túc, Phó Thủ tướng Duh broă sùm, Chủ tịc Anih duh broă Dà lơgar APEC nam 2027 đơng lam pơrjum dơ̆ 3 bơh Anih duh broă dê, tàm tơrbŏ bal tàm internet tus tiah pờ tơlik Anih duh broă Làng bol càr An Giang.

VOV.K’Ho- Ngai òr (02/06), Ling mpồl 34 (Ƀộ Ling klàng) neh lơh sir broă lòt sền nàng hòi jà 150 nă kwang bàng, cau ling tus bal dong kờl càr Gia Lai lơh mhar tŭ tơngai bơt bơtàu ală hìu bơsram 3 kấp jơi bơtiàn ơm sa bĭc tơn tàm hìu bơsram tàm 2 sàh tiah nhàr lơgar Ia O mờ Ia Chía.

VOV.K’Ho- Dùl ròt ală rơndap broă lơh dờng geh lơh sră ai gơnoar lam lơh tàm càr Khánh Hòa tàm tơngai rềp ndo ai gŏ bơta pràn gơ hòi gơ jà ngai sơlơ dờng bơh anih bơcri priă dê. Tơnơ̆ ală rơndap broă lơh git nđờ rbô tơmàn đong là bơta lơh ngan tam gơl wơl sră pơ àr gơnoar atbồ, tă bơsong ală bơta gơ kòl jŏ jòng uă ngan, lơh gơlik tai bơta niam ai jơnau kờñ gơguh lơh sa 2 nơm khà in.

VOV.K'Ho- Tơnơ̆ rơndăp tăp sèng mpồl lơh broă sră pơ àr gơnoar ătbồ, càr Lâm Đồng ơm tềng đăp tŭ niam pờ ơnàng ù tiah bơtàu tơnguh bal mờ uă bơta ƀươn bè lơh sa suơn sre ngui măi mok pa, lòt nhơl, năng lượng mờ lơh sa dà lềng. Mơya, nàng lơh geh cồng nha mờ lơh jăt jơh jơnau kờñ gơguh lơh sa uă, càr pal geh ală bơta pràn pa, kơrnoăt boh lam mhar mờ bồ tơngoh bơtàu tơnguh di pal mờ rài tam gơl sồ, gơguh lơh sa tơlir.

VOV.K'Ho- Drim òr (02/06), Phó Thủ tướng ồng Hồ Quốc Dũng đơng lam dơ̆ pơrjum pờ tơlik tàm internet mờ 34 càr, ƀòn dờng tơn jơh ing 1 nhai lơh jăt Jơnau sồr sồ 38 bơh Thủ tướng Chính phủ dê bè tam dră, kơrian mờ lơh glài broă sơgràm gơnoar ngui bơta ngăc ngar.

VOV.K’Ho- Mho mang òr (01/06), ồng Tô Lâm, Tổng Bí thư, Chủ tịch lơgar bal mờ Pơ ùr mờ Mpồl cau ala mat kâp dờng lơgar Việt Nam rê tus Hà Nội, tơn jơh niam bơnĕ dơ̆ lòt còp ngan ngồn lơgar Thái Lan, còp kâp dà lơgar tus lơgar Singapore, Philippines mờ tus bal, đơs tàm Tìp mat tơm boh bơr Shanggri-La 2026.

VOV.K'Ho- Mho òr (01/06), tàm ƀòn dờng Hải Phòng, Thủ tướng Chính phủ ồng Lê Minh Hưng đơng lam dơ̆ pơrjum mờ ƀòn dờng Hải Phòng mờ ală càr Quảng Ninh, Bắc Ninh, Ninh Bình, Hưng Yên bè broă bơtàu tơnguh hìu ơm ai apah.