VOV.K'Ho- Tổng Ƀí thư pin dờn ngan là, Quôk hội khoă XVI ngan ngồn rơ̆p lơh sir jak ngan kơnòl broă mờ Đảng, Dà lơgar mờ Làng bol dê jàu; pơgồp bơnah bal mờ gùt Đảng, gùt làng bol, gùt ling klàng lơh jat ngan ngồn bơta kơ̆p kờñ bơt bơtàu dùl Dà lơgar Việt Nam ring lơngai, lơngăp lơngai is, làng bol lơh tờm, pas pràn, niam jak, chờ hờp, cơnđoà kơ̆ lòt guh củ nghĩa sàh hội.

VOV.K’Ho- Mpồl Sồr lơh lơh jat jơnau kờñ gơguh tai 2 nơm khà tơngai lơh broă bơh nam 2026-2030 bơh Tỉñ ủy càr Dăk Lăk dê pa geh tơnggơs mờ lơh dar pơrjum sơn rờp. Dar pơrjum tơrgùm cribơyai broă lơh đơng lam jat tơl gah broă, tơl qúy, lơh ngan ngồn ală kơnòl broă pơgồp bal mờ rơndăp broă lơh geh ngan; mơkung lơh pràn tam gơl pa sră pơ àr gơnoar atbồ, lơh “gùng tơlir” ai rơndăp broă lơh ai lơh lài in mờ dan tă bơsong bơta kòl yan broă lơh dong kờl, tam pà priă bơcri di tŭ nàng kờñ lơh geh ù tiah gơguh lơh sa, wèt tus jơnau kờñ kờp bal bơh 11 tus 11,5% dùl nam.

VOV.K’Ho- Ngai do (06/04), Dơ̆ pơrjum dơ̆ dùl, Quôk hội khoă XVI sơn đờm mut lơh yŭ rơyùm tàm Hìu lơh broă Quôk hội tàm càr lơgar Hà Nội.

VOV.K’Ho- Di Dơ̆ sa tềp bơhiàn Bunpimay nam 2026 bơh làng bol ală jơi bơtiàn lơgar Lào dê, ngai 05/4, Mpồl lơh broă bơh Gah đơng lam Ling klàng ƀòn dờng Đà Nẵng dê neh lòt còp, pà phan, kham kòp mờ pà sơnơm ờ sa priă ai làng bol kơnhoàl Đăk Chưng, càr Sekong, lơgar Lào in.

VOV.K’Ho- Anih duh broă Làng bol càr Gia Lai pơrjum Mpồl sồr lơh atbồ, đơng lam lơh broă mờ gàr kơ̆ giă priă nàng kờñ lam lơh ală broă lơh gròi sền drà kă bro tàm tŭ tơngai giă ală bơta phan ngui sa pal geh gơguh giă uă ngan.

VOV.K'Ho- Mho òr (05/04), tàm Hìu lơh broă Cíñ phủ, Thủ tướng ồng Phạm Minh Chính neh wă Kwang atbồ Anih lơh broă ala măt lơgar Lo tàm lơgar Việt Nam ồng Hà Vĩ.

VOV.K'Ho- Nam Lòt nhơl dà lơgar 2026 geh càr Gia Lai dờp bơyai lơh gam pơn jăt tai lơh gơlik bơta pràn, gơhòi gơ jà gal ngan năc lòt nhơl tàm lơgar mờ bơdì lơgar. Nùs nhơm dơ̆ lơh chờ kung gam duh hồl sùm tàm uă tiah lòt nhơl, mờ khà năc gơguh uă tàm ală ngai sơnrờp tơnơ̆ broă lơh, pờ gơlik tềl tơngŏ niam bơnĕ ai gah lòt nhơl càr in.

VOV.K'Ho- Ngai òr (2/4), Mpồl Cau ala măt Quôk hội càr Dăk Lăk bơyai lơh Pơrjum cribơyai jơnau yal lài mờ Dơ̆ pơrjum dơ̆ sơnrờp, Quôk hội khoă XVI, nàng kờñ tơrgùm jơh ală jơnau đơs bơh mùl màl ƀòn lơgar, pơgồp bơnah lơh sir gùng dà broă lơh, kơrnoăt boh lam mờ lơh pràn bơtàu tơngguh lơh sa – mpồl bơtiàn.

VOV.K’Ho- Càr Lâm Đồng gam lơh jat broă kờp sền nàng tam gơl pa broă lơh bơtàu tơnguh mpồl lơh sa mờ măi mok tơngai lơh broă bơh nam 2026- 2030 mờ pơlam gùng dà tơnơ̆ nam 2030 mờ gùng dà broă lơh tơrgùm tàm tiah đah dà lềng.

VOV.K’Ho- Tàm Hìu lơh broă Cíñ phủ, Thủ tướng Cíñ phủ ồng Phạm Minh Chính neh wă ồng Choi Young Sam, Kwang atbồ anih lơh broă ala mat lơgar Hàn Quốc tàm Việt Nam nàng cribơyai bè ală broă lơh sơlơ tơnguh tai bơta gĭt gơ̆p Tam klăc lơh broă bal kwơ màng tơl làm kung bè lơh broă bal gàr niam lơngăp lơngai năng lượng đah 2 lơgar dê.