Jăt jơnau kờp bơh càr Gia Lai dê, khà cau năc bơh ală lơgar tus càr Gia Lai nam 2025 mìng geh 125 rơbô dơ̆, geh di pơgăp 1% tàm khà rơlao 12 tơlăk dơ̆ năc tus càr Gia Lai dê. Geh bơta do dùl bơnah là broă ờ tơl ală gùng par song tơrbŏ tơn.

Nàng gàr geh cồng nha tàm broă lơh, càr Gia Lai sồr ală mpồl lơh sa kă bro lòt nhơl dờp broă lơh do pal geh hìu lơh broă ha là pơgồp bal lơh tàm càr, hơ geh khà tơl jơnờng nggui ờ uă ngan 50% tàm 6 nhai bồ tơngai rề ơnàng drà kă bro mờ tơnguh tus rơlao 70% tàm tơngai tơnơ̆ mờ hơ̆. Kờp dŭ, kờp jơh broă lơh ai broă dong kờl do bơh tŭ do tus jơh nam 2027 là mờr 95 tơmàn đong. Jơnau lơh nền tàm pơrjum geh ngui nàng lơh bơh ngai 10 nhai 10 nam 2026 tus jơh ngai 31 nhai 12 nam 2027. Do là broă dong kờl nàng hòi jà cau năc ală lơgar geh tơl pràn tơm priă uă mờ ơm jŏ ngai tàm càr Gia Lai dê