Rlau 100 nă cau jak chài, cau gĭt wă jrô bơyai gùng dà broă rơndăp lơh jak chài, măy mŏk ai bơtàu tơngguh kơnhăp jŏ in
Thứ năm, 13:30, 08/10/2026
Cau mblàng: Lơ Mu K'Yến/ VOV Tây Nguyên
Cau mblàng: Lơ Mu K'Yến/ VOV Tây Nguyên
VOV.K'Ho- Drim ngai 7/10, tàm Anih tờm Ală lơgar Jak chài mờ Bơto bơtê ală gah hòi lơyah là ICISE, sơnah ƀòn Quy Nhơn Nam, càr Gia Lai, rlau 100 nă cau jak chài, cau gĭt wă jrô măy mŏk, cau cribơyai broă mờ lơgar ndai mờ cau rơndăp gùng dà broă lơh tàm lơgar, ală lơgar tus bal sơnđờm mŭt Pơrjum “Jak chài mờ Măy mŏk nàng Bơtàu tơngguh kơnhăp jŏ”.
Đơs tàm Pơrjum, ồng Lâm Hải Giang, Phó Chủ tịch Anih duh broă Làng bol càr Gia Lai đơs nền Jơnau lơh nền tàm pơrjum 57 Ƀộ Chính trị dê cih nền jak chài, măy mŏk, tam gơl pa bơceh lơh mờ tam gơl sồ là pràn gơn kơnờm tờm ngan bơtàu tơngguh dà lơgar, gam gơ tơlik jơh bal tŭ niam mờ kơnòl ai ală cau jak chài in.
Càr Gia Lai kơ̆p kờñ geh iăt kơno mblàng sền bơh ală cau ala măt dê, geh bal bơta geh mùl màl bơh Gia Lai dê, mờ ală rềs àr gơ aniai digơlan gơtìp. Tàm tơngume pơrjum, ală cau ala măt tus bal ală dar cribơyai kơƀàng wil bè jak chài, cribơyai broă mờ lơgar ndai mờ rơndăp gùng dà broă lơh mờ ală bơta lòng tàm tơnơ̆ do; năng lượng hạt ñân mờ ală gùng dà tàm ntrờn năng lượng tàm ală rài lơh sa gơguh tai pràn, tàm hơ̆ geh Việt Nam.
Viết bình luận