Do là dar pơrjum dŭt ndơl rcang ai Pơrjum dơ̆ 2, Quốc hội khoă 16, kờp dŭ  ring bal 38 adat mờ uă Jơnau lơh nền tàm pơrjum kwơ màng, tàm hơ̆ geh pơgăp 7 Jơnau lơh nền tàm pơrjum geh gơrềng adat boh lam. Ồng Trần Thanh Mẫn - Chủ tịch Quốc hội sồr ală anih lơh broă cih jơnau, sền sơwì pơn jat tai tam gơl pa bồ tơngoh kơlôi sơnơng, broă lơh, tơnguh uă bơta niam ală tơngume yal mờ Quốc hội in; tơrgùm lơh loh ală broă tờm, ơn bơta niam, bơta gơtùi lơh jat ngan ngồn mờ jơnau sồr bơtàu tơnguh lài ngan rlau jơh.

Tàm hơ̆, rơndăp broă lơh Adat Ù tiah (tam gơl) mờ Adat ai lơh jat sră nggal geh gơrềng adat boh lam geh gơtha bơnàng jă. Chủ tịch Quốc hội đơs sùm, Adat Ù tiah gơrềng tus jơh mờ ală broă lơh sa mờ rài kis làng bol dê, geh gal ngan làng bol, mpồl lơh sa kă bro sền gròi, den tàng bè hơ̆ pal lơh kràñ, lơh nền nòn. Anih duh broă Lơh kơnòl broă sùm Quốc hội kung tă pơgồp jơnau đơs bè rơndăp broă lơh Adat Ù tiah (tam gơl), tàm hơ̆ sền gròi broă gĭt tus, ngui ù mờ lơh nền giă jat broă loh làng, song dơ pă, sền sơwì ring bal, bơnĕ bơnài bal bơta kwơ đah Dà lơgar, cau ngui ù mờ cau bơcri priă.