Tổng Bí thư, Chủ tịch lơgar đơs sùm, broă lơh bồ tơngoh pal sơnđờm bơh mùl màl, tàm hơ̆ yal tơngĭt jơnau bè rài kis mpồl bơtiàn tus geh anih geh gơnoar lơh nền mờ chồl tơngguh bơsong broă. Pal gơgơs ală broă pơlam bơh iăt kơno, sền swì lơh loh bơta ngan, mblàng sền, jun di anih lơh broă tus lơh bơsong, yal wơl mờ sền swì cồng nha; yal bè bồ tơngoh, nùs nhơm mpồl bơtiàn pal lòt mŭt geh tàm ală tŭ ai jơnau lơh nền.

Tổng Bí thư, Chủ tịch lơgar sồr ai broă iăt kơno mờ mblàng đơs tàm jơh ală tŭ bơ̆t bơtàu, ai lơh jăt mờ lơh jăt gùng dà broă lơh; mblàng yal gùng dà broă lơh pal jăt tàm bơta ngan, yal tơngĭt jơnau tam toh ngan, yal loh làng bal bơta ƀươn, kal ke mờ lơh gơrềng. Anih lơh broă bơ̆t bơtàu gùng dà broă lơh pal kong kơnòl bè bơta niam gùng dà broă lơh, lam lơh jăt mơkung rơcăng lài yal tơngĭt jơnau, mblàng đơs mờ dờp yal wơl. Tổng Bí thư, Chủ tịch lơgar kung sồr ală anih lơh broă sră ƀăo tơngguh uă pràn jak mblàng sền, mblàng đơs, gŏ broă mờ sơlơ ơm rềp mờ mpồl bơtiàn, ngan là cau kơnòm.