VOV.K'Ho- Tàm càr Dăk Lăk, lơh broă Đoàn gam tam gơl pràn bơh srơh tus mờ lơh broă mùl màl, pơgồp bal mờ jơnau kờñ tàm mùl màl bơh tơl ƀòn lơgar dê. Bơh broă dong kờl làng bol in git lơh drơng broă sa priă dà lơgar dê lơh tơn tàm internet, lơh pràn broă tam gơl pa, bơceh lơh, tam gơl sồ, tus mờ broă lam lài tàm tŭ gơtìp rềs àr bơh trồ tiah, uă broă lơh pa neh lơh geh wơl, tơnguh nùs nhơm geh kơnòl, bơceh lơh bơh đoàn viên, ơruh pơnu, bơh tŭ hơ̆ ai tơngŏ gơnoar broă bơh cau kơnòm să dê tàm tơngai bơtàu tơnguh pa.

VOV.K’Ho – Drim ngai 02/4, tàm Tiah tềl kah yau dà lơgar kuơmàng ƀòn dờng yau Quảng Trị, Mpồl sồr lơh dà lơgar bè lòt jòi, tờ tơrgùm mờ đal git mat ƀồc ntìng cau ling chơt màng yŭ rơyùm bơyai lơh Dơ̆ lam lơh “Broă lơh 500 ngai mang lơh pràn broă lòt jòi, tờ tơrgùm mờ đal git mat ƀồc ntìng cau ling chơt màng”.

VOV.K'Ho- Ngai òr (1/4) tàm Hà Nội, Củ tịc lơgar ồng Lương Cường đơng lam dơ̆ pơrjum tàm jàu broă lơh lơh broă ờs mờng pah dơ̆ mờ Cơldŭ lơh broă Củ tịc lơgar nàng kờñ đơs broă lơh jăt kơnòl broă tàm tơngai pa do, lam lơh gùng dà broă rơndăp lơh lơh broă tàm tơngai tus.

VOV.K'Ho- Đơs tàm dar pơrjum, Củ tịc Quôk hội đơs sùm, dùl tơngume kwơmàng ngan là ai jơnau đơs rơcăng broă lơh rơndăp broă kwang bàng lơh broă yal mờ Quôk hội in tàm Dơ̆ pơrjum dơ̆ sơnrờp, Quôk hội khoă XVI.

VOV.K'Ho- Ngai òr (1/4), Tỉñ ủy càr Dăk Lăk bơyai lơh dar pơrjum dơ̆ sơnrờp Mpồl Sồr lơh jăt jơnau kờñ gơguh tai bàr nơm khà tơngai bơh nam 2026- 2030, bơyai broă lơh bơsong tă bơsong ală anih gơkòl bơh qúy bồ nam tơn tŭ uă broă jàu ờ hềt lơh geh bè broă rơndăp lơh dê sồr.

VOV.K’Ho – Tềng đap jơnau đơs bơh làng bol dê yal bè broă bàr pe hìu tac rah rài xăng zờu tàm sàh Tà Hine geh tềl tơnggŏ prap phan, ờ huan tac, lơh gơbàn bơta ờ tơl xăng zờu, Anih duh broă Làng bol càr Lâm Đồng neh sồr gah lơh broă geh gơnoar mhar sền sơ wì broă lơh kă bro xăng zờu tàm sàh do.

VOV.K’Ho – Pơrlòng pờ tơlik jơnau đơs gùt lơgar dơ̆ XVII geh lơh tàm Quảng Ninh bơh ngai 11 tus ngai 14/4/2026 mờ tơngume “Pờ tơlik jơnau đơs tài Việt Nam pràn kơldang, bơtàu tơnguh”, ală gah broă lơh geh gơnoar bơh càr Quảng Ninh dê gam lơh ngan uă ngan rlau jơh nàng Ngai chờ pờ tơlik jơnau đơs gùt lơgar lơh geh cồng nha.

VOV.K’Ho – Mho ngai 01/4, tàm Hìu lơh broă Cíñ phủ, Thủ tướng Cíñ phủ ồng Phạm Minh Chính đơng lam Pơrjum gùt lơgar bè lơh broă rơcang kơryan trồ tiah lơh aniai nam 2025.

VOV.K’Ho – Drim ngai 01/4, Mpồl cau ala mat Quôk hội càr Dăk Lăk bơyai lơh pơrjum ai jơnau đơs tă pơgồp gơ wèt mờ 4 rơndap lơh adat boh lam kờp dŭ yal tàm Dơ̆ pơrjum dơ̆ dùl, Quôk hội khoă XVI.

VOV.K’Ho – Pơrjum gùt lơgar tơn jơh broă lơh tĕ khà cau ala mat Quôk hội khoă XVI mờ cau ala mat Mpồl duh broă Làng bol ală kâp, tơngai lơh broă bơh nam 2026 tus nam 2031 pa geh bơyai lơh tàm Hà Nội.