Ală kwang bàng, cau pơgru, cau bơsram Ơdŭ bơto pơlam jơnau git wă ling klàng mờ lơngap lơngai bal mờ đơng lam càr, ală sờh, gah broă lơh cribơyai bè ală jơnau cribơyai tàm sră pơ àr mờ mùl màl tàm bơtàu tơnguh lơh sa - mpồl bơtiàn pơgồp bal mờ sền gàr dà lơgar, lơngăp lơngai.

Dùl tơngume geh đơs sùm tàm dơ̆ lơh broă là bơtàu tơnguh lơh sa pal gơ lòt bal mờ bơt bơtàu tiah rơcang gàr mờ gàr kơ̆ “mpồl rơcang gàr làng bol”. Jat hơ̆, tơnguh niam rài kis, tơrmù rƀah, gàr niam lơngap lơngai rài kis, lơh gơlik broă lơh sa kơ̆ kơljap sùm làng bol in, ngan là tàm tiah nhàr lơgar mờ tiah làng bol jơi bơtiàn dồ êt nă cau, ờ mìng là kơnòl broă bơtàu tơnguh mờ gam pơgồp bơnah gàr kơ̆ kơljap bơh kâp hơ đơm. Ồng Lương Nguyễn Minh Triết, Ƀí thư Tỉnh ủy càr Dăk Lăk đơs sùm, pal pơgồp bal rơndap ù tiah bơtàu tơnguh lơh sa - mpồl bơtiàn mờ rơndap ù tiah mpồl rơcang gàr dà lơgar, lơngap lơngai bơh chờm tơn, ngan là ală rơndap broă lơh dờng, gơl gùng lòt kuơmàng mờ ù tiah kuơmàng.