Ală jơnau neh lơh nền pơlam gùng bơtàu tơnguh lòt nhơl jat gùng dà tơnguh bơta niam, bơta kuơ, priă jền lơh geh mờ sền git, tam gơl bơh bồ tơngoh kơlôi sơnơng “kờp dơ̆ nac” gơ gơs lơh niam ngan rlau jơh bơta kuơ tàm tơl dơ̆ nac. Tus nam 2030, Dăk Lăk lơh ngan wă rlau 15 tơlak dơ̆ nac, priă lơh geh bơh lòt nhơl tă pơgồp tơn mờr 12,5% GRDP; lơh gơs ală gùng kềng tàm tơrbŏ bal tiah kơh bơnơm mờ dà lềng mờ ală anih lòt nhơl brê bơnơm, niam chài krơi is. Broă rơndap lơh tus nam 2050, càr wèt tus gơ gơs là anih tus lòt nhơl brê bơnơm, niam chài krơi is, mờ kung bơt bơtàu anih tus kơphe châu Á dê.

Ồng Đỗ Hữu Huy, Chủ tịch Anih duh broă Làng bol càr sồr git loh phan lòt nhơl tờm ngan, tàm hơ̆ geh kơphe, rơ was, niam chài cing mồng, niam chài dà lềng mờ niam chài brê bơnơm, pơgồp bal mờ bơtàu tơnguh lòt nhơl tơlir.