VOV.K'Ho- Lơh broă mờ Anih duh broă Làng bol kơ̆p kờñ mờ Jăt sền tàm mho òr (25/05), Củ tìk Quốk hội ồng Trần Thanh Mẫn đơs nền, cau tĕ khà bal mờ Làng bol gùt lơgar gam ai geh jơnau kơ̆p gơn uă ngan gơwèt mờ Quốk hội tơngai lơh broă do, hơ̆ là ờ mìng iăt mờ pal lơh jăt tus gùng tus dà ală broă; ờ mìng jăt sền mờ pal tam gơl; ờ mìng tơrgùm jơnau đơs, mờ pal gŏ gờñ broă lơh, yal lài rềs àr atbồ broă lơh mờ lơh pràn kơnòl broă bơh ală anih lơh broă geh gơnoar dê.

VOV.K’Ho- Drim òr (25/05), tàm Hìu lơh broă Quôk hội, Củ tịc Quôk hội ồng Trần Thanh Mẫn neh đơng lam dơ̆ pơrjum mờ Duh broă sùm Anih duh broă Jak chài, Măi mok mờ Tiah ơm kis bơh Quôk hội dê.

VOV.K'Ho- Tàm sàh tiah 3 kal ke ir Trường Xuân, càr Lâm Đồng, nùs nhơm bơh Jơnau lơh nền tàm pơrjum 57 Ƀộ Cíñ trị dê bè tam gơl pràn jak chài măy mŏk, tam gơl pa bơceh lơh mờ tam gơl sồ gam geh lơh geh ngan ngồn bơh ală broă lơh loh làng ngan. Làng bol neh gơtùi dong kờl is gơ̆p lơh ală sră nggal tàm điện thoại tơn.

VOV.K’Ho- Tơnơ̆ mờr 1 nam lơh broă gơnoar atbồ ƀòn lơgar 2 kấp, uă sàh, sơnah ƀòn tàm càr Khánh Hoà gam kong kơn jơ̆ dờng bè mpồl lơh broă, broă lơh dong kờl mờ tam gơl sồ. Tàm pơrjum tìp mat tơm bơh bơr đah Lơh broă sùm Tỉñ ủy càr Khánh Hoà mờ kwang bàng, kông cứk, viên cứk kấp sàh pa do pà gŏ jơnau kờñ mhar pal gờñ tă bơsong kòl yan nàng tơnguh cồng nha lơh broă bơh gơnoar atbồ ƀòn lơgar dê.

VOV.K’Ho- Drim òr (25/05), tàm Hìu lơh broă Đảng dà lơgar, Tổng Ƀí thư, Củ tịc lơgar ồng Tô Lâm, Lam bồ Mpồl Sồr lơh Dà lơgar bè bơtàu tơnguh jak chài, măi mok, tam gơl pa bơceh lơh mờ tam gơl sồ đơng lam dơ̆ lơh broă bơh Lơh broă sùm Mpồl Sồr lơh dê nàng ai gùng dà broă lơh bè broă lơh kơlôi sơnơng jak chài bơh sơn rờp.

VOV.K’Ho- Drim òr (25/05), tàm Hà Nội, dờp gơnoar bơh Thủ tướng Cíñ phủ dê, Phó Thủ tướng mò Phạm Thị Thanh Trà neh jàu Jơnau lơh nền dờp, pồ ồng Nguyễn Huy Dũng at gơnoar broă Thứ trưởng Ƀộ Niam chài, Tàp pràn să jan mờ Lòt nhơl.

VOV.K’Ho- Sờh Jak chài mờ Măi mok càr Dăk Lăk bơyai lơh pơlam tàp jrô bè atbồ kơnòl broă Jak chài mờ Măi mok nam 2026 lời ai mpồl kwang bàng, kông cứk bơh kấp càr tus kấp sàh, sơnah ƀòn in.

VOV.K’Ho- Dờp gĭt là kàl mìu dà tih dà lìu nam 2026 pơhìn trồ tiah lơh aniai pơn jat tai gơlik geh kal ke, Anih duh broă Làng bol càr Lâm Đồng gam mhar lam lơh ring bal uă broă lơh nàng kờñ rcang lài pleh, drơng, tơrmù ƀà hoàc huơr tài bơh trồ tiah lơh aniai lơh gơbàn.

VOV.K'Ho- Mpồl duh broă pơlam toh glài jàm nam 2026 neh sền swì rlau 10 rbô sră nggal cau jàm geh tơl bơta nàng dan toh glài jàm.

VOV.K'Ho- Anih duh broă Làng bol càr Khánh Hoà pa ai ngui broă rơndăp lơh rơwah kông cứk nam 2026 nàng bơtơl ai mpồl kwang bàng, kông cứk geh nùs nhơm niam, pràn kơl dang, ngăc ngar lơh broă di pal mờ jơnau kờñ bơh kơnòl broă dê tàm ală anih lơh broă, mpồl lơh broă mờ ală sàh tàm càr.