Tàm dơ̆ pơrjum bơyai, bàr gah đơs bơta git gơp đah Việt Nam mờ Lào pơn jat tai bơtàu tơnguh niam, tơl làm; ring bal lơh niam rlau tai tơngume “tàm pơgồp bal jŏ jòng”, sơlơ tơnguh tai lơh broă bal ling klàng, lơngăp lơngai, mờ kung lơh gơlik bơta tam gơl pràn tàm lơh sa, kă bro phan mờ bơcri priă.

Tàm 7 nhai bồ nam do, Việt Nam geh 20 rơndap broă lơh bơcri priă tàm lơgar Lào mờ kờp jơh priă bơcri cih tam sră rlau 638 tơlak dolar Mỹ, gơguh 4,2 dơ̆ pơndrờm dùl tŭ bal mờ nam 2025. Bàr gah ring bal lam lơh ală rơndap broă lơh kuơmàng, sơlơ tơnguh tai lơh broă bal bơto bơsram, niam chài, lòt nhơl mờ tìp mat lơh kwèng làng bol. Tàm dơ̆ lòt còp, ồng Phạm Gia Túc, Phó Thủ tướng Duh broă sùm Chính phủ kung lòt còp ală broă lơh lơh broă bal lơh bơyô tàm càr lơgar Vientiane, tàm hơ̆ geh mpồl atbồ làng bol ơm kis, Anih tờm đơng lam lơngăp lơngai Kwang àng lơgar Lào, Suơn bal git gơp lơh bơyô Lào - Việt Nam mờ anih kờp dŭ lơh Hìu bơsram Đại học git gơp lơh bơyô Lào - Việt Nam.