Bơh broă sền wơl, càr ai 396 broă lơh, rơndăp broă lơh tàm mpồl sền gròi, bơsong. Tus tŭ do, ală anih lơh broă geh gơnoar neh bơsong kal ke, gơkòl ai 258 rơndăp broă lơh in. Mìng is mpồl rơndăp broă lơh bơdìh kes priă, neh bơsong 193 tàm khà 200 rơndăp broă, mờ tơn jơh 8 rơndăp broă ờ geh cồng nha, toh wơl 91 lồ ù.

Ồng Lương Nguyễn Minh Triết, Bí thư Tỉnh ủy càr Dăk Lăk sồr pơn jăt tai sền wơl, tam cah is rơndăp broă jăt mờ bơta gơkòl, sền loh anih lơh broă bal mờ cau dờp kơnòl, bañ lời sră nggal gơtìp pơdar sùm, sồr cau ndai ha là pleh mờ kơnòl broă. Ală broă lơh geh tơngŏ tìs pal bơsong kal ke, mờ bơsong kơnòl broă di jăt mờ jơnau neh geh ai. Kwang đơng lam càr sồr lơh gơs broă tam cah is, tam pà kấp bơsong lài mờ ngai 30 nhai 9; mờ lam sồr cau tờm bơcri priă, mpồl lơh broă chồl mhar broă lơh.