Đơs lài, mìu pơn jat tai gơlik geh kal ke, ngan là tàm 32 sàh, sơnah ƀòn geh jơnau pơhìn uă gơlik geh dà kŏ dà cò, tơrlah ù. Tềng đap bơta do, gơnoar atbồ ală ƀòn lơgar tam càr gam rơcang lài lam lơh ală broă rơndap lơh drơng wơl, gàr niam lơngăp lơngai làng bol in.

Jat jơnau sồr lơh bơh Anih duh broă Làng bol càr Lâm Đồng dê, mpồl lơh broă geh gơnoar tàm 124 sàh, sơnah ƀòn, tiah is ồn pơn jat tai jat sền nền nòn bơta gơlik geh bơh trồ tiah dê, sền wơl ală tiah thòng lơyah, tiah kềng gah dà dờng, dà croh mờ ală tiah pơhìn gơtìp tơrlah nàng di tŭ bơsong. Tàm ală tiah neh gơlik geh ngơr bam, tơrlah bè Quảng Sơn, D’ran mờ Cát Tiên 3, mpồl lơh broă geh gơnoar geh sồr ơm gak, kơryan ờ ai làng bol tus tiah ngòt rơngơt, rơcang lài phan bơna, măi mok dong kờl rềs àr. Is ồn sàh Cát Tiên 3 pa ntrờn 25 hìu bơnhă làng bol lik bơh tiah ngơr bam tài dà kŏ dà cò.