VOV.K'Ho- Mho òr (23/03), tàm Hìu lơh broă Đảng Dà lơgar, Tổng Ƀí thư ồng Tô Lâm neh wă mò Men Sam An, Phó Củ tịc Đảng Làng bol lơgar Campuchia (CPP), Củ tịc Mpồl duh broă Dà lơgar Mặt trận Tam klăc Bơtàu tơnguh Dà lơgar tờm Campuchia tus còp, lơh broă tàm lơgar Việt Nam.

VOV.K’Ho- Drim òr (23/03), tàm Hìu lơh broă Đảng dà lơgar, Pơrjum dơ̆ 2 Mpồl duh broă Đảng dà lơgar khoă XIV neh sơnđờm mut pơrjum yŭ rơyùm tàm càr lơgar Hà Nội.

VOV.K’Ho- Tàm sơnah ƀòn Thống Nhất, càr Gia Lai, Ling mpồl 15 (Ƀộ Ling klàng) bơyai lơh dơ̆ chờ hờp cồng nha dờp rò Sră jờng rơ Cau ling khin cha jak chài mpồl ling phàu crong làng bol dơ̆ 2.

VOV.K’Ho- Tàm sàh tiah nhàr lơgar Ia Pnôn, Mpồl đơng lam Mpồl ling sền gàr tiah nhàr lơgar càr Gia Lai bơyai lơh broă lơh “Nhai 3 Ơruh pơnu- Nhai 3 tiah nhàr lơgar” mờ uă broă lơh geh kwơ bè pà broă lơh bơt bơtàu sòl àng, bơyai lơh ƀlàng nhơl ai kơnòm bơsram in.

VOV.K'Ho- Tơnơ̆ mờ tŭ tus Càr lơgar Moscow, lơgar Nga, Thủ tướng Cíñ phủ ồng Phạm Minh Chính neh geh dơ̆ tìp măt kwang bàng, cau lơh broă tàm Anih lơh broă ala măt bal mờ mpồl bơtiàn cau lơgar Việt Nam tàm lơgar Nga.

VOV.K’Ho- Càr Dăk Lăk pa yal cồng nha tĕ khà Cau ala mat Quôk hội, Mpồl duh broă Làng bol ală kấp tàm càr. Is tàm kấp càr, geh 84 nă cau ala mat neh geh pồ. Gĭt nđờ tơlăk nă cau tĕ khà tàm càr Dăk Lăk sơnđờm jat sền gùng lòt bơh cau ala mat dê tàm broă lơh ngan ngồn ală jơnau hơ bơh he dê gơ gơs cồng nha geh ngan, sồr ală cau ala mat pal geh ală lơh ngan ngan ngồn.

VOV.K’Ho- Drim òr (22/03), tàm Hà Nội, Đảng ủy, Gah đơng lam Mpồl ling pờ gùng bơyai lơh tơnkah 80 nam ngai crơng gơs (25/3/1946 – 25/3/2026) mờ dờp Gai lòng Hồ Chí Minh.

VOV.K’Ho- Tàm càr Lâm Đồng, Mpồl sền sơ wì sồ 31 bơh Ƀộ Cíñ trị, Mpồl đơng lam Đảng dà lơgar dê bơh ồng Nguyễn Văn Quảng – Kwang atbồ Ani cah rơña làng bol dờng ngan rlau jơh dà lơgar lơh kwang lam bồ mpồl neh lơh broă mờ Mpồl lơh kơnòl broă sùm Tỉñ ủy càr Lâm Đồng nàng ring bal jơnau yal cồng nha jat sền broă lơh jat ală jơnau lơh nền tàm pơrjum bơh Đảng dê.

VOV.K'Ho- Tỉñ ủy càr Dăk Lăk pa yal jơnau lơh nền bơh Mpồl Lơh kơnòl broă sùm Tỉñ ủy dê bè broă kwang bàng, sồr ồng Đỗ Hữu Huy, Phó Ƀí thư Tỉñ ủy, mŭt bal Mpồl Duh broă Đơng lam, Mpồl Lơh kơnòl broă sùm mờ at gơnoar broă Ƀí thư Đảng ủy Anih duh broă Làng bol càr tơngai bơh nam 2025 tus 2030.

VOV.K'Ho- Dờp jơnau jà bơh Thủ tướng Cíñ phủ lơgar Nga ồng Mikhail Mishustin, mho òr (22/03), Thủ tướng Cíñ phủ ồng Phạm Minh Chính bal mờ Mpồl Cau ala măt kấp dờng lơgar Việt Nam neh tus ƀlàng rơndeh par Ală lơgar Vnukovo 2, càr lơgar Moscow, sơn đờm dơ̆ tus còp mùl màl lơgar Nga bơh ngai 22 tus ngai 25 nhai 03.