VOV.K'Ho- Nam 2025, càr Dăk Lăk geh ai 15 rơbô 645 tơmàn đong priă bơcri dà lơgar. Tus tŭ do, càr neh tam pà pơgăp 90% khà priă geh jào, mơya mìng rơ̆p ai geh pơgăp 4 rơbô 200 tơmàn đong, ờ uă rơlao mờ khà kờp bal gùt lơgar dê bal mờ gam uă ngan pơndrờm mờ broă jàu sồr lơh. Tŭ do càr gam mhar bơsong ală bơta gơkòl nàng lơh pràn broă bơtàu tơnguh phan bơna, pơgồp bal tàm broă bơtàu tơnguh lơh sa mpồl bơtiàn kơl jăp.

VOV.K'Ho- Mho ngai 18/09, tàm Kuala Lumpur, lơgar Malaysia dê, tàm tơngume Pơrjum dờng Ală Nghị viện Asean dơ̆ 46, Củ tịc Quôk hội ồng Trần Thanh Mẫn tìp măt kâp dờng mờ Phó Củ tịc Quôk hội lơgar Lào mò Sounthone Xayachack.

. VOV.K’Ho – Tềng đap bơta ngơr bam jŏ jòng uă nam, Anih duh broă Làng bol sàh Ia Hiao, càr Gia Lai pa dan càr ring bal broă rơndap lơh mờ ai priă nàng ntrờn, rơndap ƀòn ơm kis pa 180 hìu bơnhă làng bol tiah ngơr bam kơn jơ̆ in.

VOV.K’Ho – Anih duh broă Làng bol càr Khánh Hòa pa ring bal Rơndap broă lơh sồ 1 gơ wèt Rơndap broă lơh anih prap ơn xăng zờu bơh chờm pơgồp bal mờ ñiên liệu par Ba Ngòi tàm sơnah ƀòn Cam Linh, ƀòn dờng Cam Ranh.

VOV.K’Ho – Mho ngai 18/9, tàm Hìu lơh broă Cíñ phủ, Thủ tướng ồng Phạm Minh Chính wă ồng Kenji Okamura, Phó Kwang lam bò dờng Kes priă jền ală lơgar (IMF).

VOV.K'Ho- Bơh lơh tơrlòng lài tàm càr Khánh Hoà, KPI (cih lơyah bơh Sơñio khà đo was cồng nha broă lơh) neh geh cih tàm jơnau rơcang cih Jơnau yal cíñ trị Pơrjum dờng Đảng ƀộ càr, mờ jơnau kờñ rề ơnàng lơh uă tàm jơh gùt ală anih lơh broă cíñ trị. Ờ mìng là phan ngui atbồ dơlam is, KPI gam rơhời gơs gai was làng bol lơh tờm kâp hơđơm, gai was cồng nha drơng broă làng bol - mờ wèt tus lơh gơs jơnau sồr dipal dà lơgar dê tàm lơh tam gơl pa wơl lơh broă dà lơgar.

VOV.K'Ho- Drim òr (18/09), tàm Hìu lơh broă Cíñ phủ, Mpồl Lơh kơnòl broă sùm Anih duh broă Đơng lam Đảng Cíñ phủ bơyai lơh Pơrjum kơlôi sơnơng bơsram, lam lơh jăt Jơnau cih sồ 294 bơh Mpồl Duh broă Đảng Dà lơgar dê bè lơh jăt Bơta boh lam Đảng dê; Bơto pơlam sồ 06 bơh Ƀan Ƀí thư dê bè ờ uă bơta mùl màl lơh jăt Bơta boh lam Đảng; mờ Jơnau sồr sồ 50 bơh Ƀan Ƀí thư dê bè pơn jăt tai tam gơl pa, tơnguh uă bơta niam pơrjum ci ƀộ tàm tơngai pa.

VOV.K'Ho- Drim òr (18/09), tàm Hìu lơh broă Đảng Dà lơgar, Tổng Ƀí thư ồng Tô Lâm đơng lam dơ̆ lơh broă mờ Mpồl lơh kơnòl broă sùm Anih duh broă Đơng lam Đảng Cíñ phủ bè ờ uă tơngu me tàm Adăt Ù tiah (tam gơl) mờ ờ uă adăt gơrềng bal.

VOV.K’Ho- Drim ngai 18/9, tàm Hà Nội, Ƀộ Kwang àng bơyai lơh pơrjum gùt lơgar lam lơh jăt Jơnau lơh nền tàm pơrjum sồ 147 ngai 22/5/2025 bơh Cíñ phủ dê ai lơh jat broă lơh kwơ màng tơrgùm bal Dà lơgar rcang lài kơryan, dră wơl mờ ală bơta pơhìn lơngăp lơngai ờ hềt geh bơh lài tus nam 2030, wèt sền tus nam 2045.

VOV.K'Ho- Ngai 17/09, Tổng Ƀí thư ồng Tô Lâm đơng lam dơ̆ lơh broă mờ Mpồl Lơh kơnòl broă sùm Anih duh broă Đơng lam Đảng Cíñ phủ dê bè broă lam lơh jăt Jơnau lơh nền tàm pơrjum Dà lơgar bè broă lơh sa sươn sre, cau lơh broă sa, ƀòn lơgar mờ Jơnau lơh nền tàm pơrjum Ƀộ Cíñ trị dê bè bơtàu tơngguh kơnhăp jŏ tiah drà tus nam 2030.