VOV.K'Ho- Mho òr (02/02), tàm Hà Nội, Ƀộ Niam chài, Tàp pràn să jan mờ Lòt nhơl pơgồp bal mờ Anih duh broă Làng bol càr Gia Lai pơrjum ƀăo nàng yal Nam Lòt nhơl dà lơgar càr Gia Lai 2026.

VOV.K'Ho- Mho òr (02/02), tàm Hìu lơh broă Cíñ phủ, Thủ tướng Cíñ phủ ồng Phạm Minh Chính wă Kwang ala măt Đảng Kộng sản, Dà lơgar Cuba, Kwang geh jơng tàm Ƀộ Cíñ trị, Ƀộ trưởng Ƀộ Cri bơyai broă mờ lơgar ndai ồng Bruno Rodríguez Parrilla gam còp mờ lơh broă tàm lơgar Việt Nam.

VOV.K’Ho- Tơnơ̆ tŭ Pơrjum dờng cau ala mat gùt lơgar dơ̆ 14 Đảng dê geh cồng nha niam bơnĕ, ală tiah tàm tiah Tây Nguyên mờ tiah jat kềng gah dà lềng đah Jum tàm gùl lơgar neh mhar ngan lơh ngan ngồn Jơnau lơh nền tàm pơrjum mờ ală broă lơh, broă rơndăp lơh lơh broă geh ngan. Jat hơ̆, càr Dăk Lăk lơh ngan tơrmù rƀah kơnhăp kơ̆, dong kờl broă lơh broă sa ai làng bol jơi bơtiàn dồ ết nă cau in; càr Khánh Hoà jơh nùs lơh ngan tơnguh mhar bơtàu tơnguh, lơh niam wơl tiah bơcri priă, bơt bơtàu phan bơna. Mpồl ling sền gàr tiah nhàr lơgar ală tiah gàr kơ̆ gơnoar tờm, lơngap lơngai tàm tiah do dê.

VOV.K’Ho- Gờm chờ cồng nha Pơrjum dờng dơ̆ 14 Đảng dê mờ tơngkah kir sơnrai 96 nam Ngai tơnggơs Đảng Kộng sản Việt Nam (3/2/1930-3/2/2026), drim ngai 2/2, tàm Hà Nội, Tổng Ƀí thư ồng Tô Lâm, Củ tịc lơgar ồng Lương Cường neh tus bal dơ̆ sơnđờm ai mut ngui rơndăp broă lơh lơh niam, lơh kơnhăp, lơh pa hìu lơh broă Anih lơh broă Củ tịc lơgar.

VOV.K’Ho- Drim òr (02/02), tàm Hìu Quôk hội, di dơ̆ tơnkah 96 nam Ngai tơnggơs Đảng (03/2), Ƀí thư Đảng ủy Quôk hội, Củ tịc Quôk hội ồng Trần Thanh Mẫn neh đơng lam dơ̆ jàu pà Gai lòng 45 sơnam, 30 sơnam Đảng bơh Đảng ƀộ Quôk hội dê.

VOV.K'Ho- Nàng ai geh ală cồng nha kwơmàng, tàm jơh gùt gơl gùng kăc màng 96 nam, Đảng Kộng sản Việt Nam neh cih uă tŭ tơngai tơnggŏ bơta tam gơl pa. Tam gơl pa tàm broă săc rwah gùng dà bơh tŭ tơnggơs kung bè tàm ală tŭ lơh jăt gơnoar broă mờ kơnòl broă đơng lam dà lơgar sơrlèt tơl ală kal ke, ai broă lơh kăc màng bơh jơi bơtiàn he dê lòt bơh cồng nha do tus cồng nha ndai. Tàm jơh gùt gơl gùng 96 nam, Đảng sùm lơh pas is he nàng dipal mờ gơnoar broă đơng lam dờng màng ngan, lơh nền tơl cồng nha lơh geh bơh Kăc màng Việt Nam dê.

VOV.K’Ho- Ngai òr (01/02), tàm Hìu lơh broă Cíñ phủ, Thủ tướng Cíñ phủ ồng Phạm Minh Chính, Kwang lam bồ Mpồl sồr lơh dà lơgar lam lơh jat Jơnau lơh nền tàm pơrjum sồ 79 bơh Ƀộ Cíñ trị dê bè bơtàu tơnguh lơh sa dà lơgar neh đơng lam dar pơrjum dơ̆ 1.

VOV.K’Ho- Bal mờ gùt lơgar, ală càr tiah kềng gah dà lềng đah jum tàm gùl lơgar mờ Tây Nguyên gam jal mhar, jơh nùs lam lơh tơl làm broă lơh rơcang ai dơ̆ tĕ khà cau ala mat Quôk hội khoă XVI mờ cau ala mat Mpồl duh broă Làng bol 2 kâp, tơngai lơh broă bơh nam 2026 tus nam 2031 in.

VOV.K'Ho- Mpồl lơh broă bơh Mpồl duh broă sùm Tỉñ ủy càr Dăk Lăk geh ồng Lương Nguyễn Minh Triết, Ƀí thư Tỉñ ủy càr Dăk Lăk lam bồ mpồl neh tus còp, chờ gờm Satềp ală kwang bàng, cau ling sền gàr tiah nhàr lơgar gam lơh kơnòl broă tàm dà lềng tàm Pôs ling sền gàr tiah nhàr lơgar Hoà Hiệp Nam.

VOV.K'Ho- Ngai òr (01/02), Củ tịc Quốk hội ồng Trần Thanh Mẫn, Củ tịc Mpồl duh broă tĕ khà Dà lơgar bal mờ Mpồl lơh broă lòt sền broă rơcang tĕ khà cau ala măt Quốk hội khoă XVI, cau ala măt Mpồl duh broă làng bol ală kấp tơngai lơh broă bơh nam 2026 tus 2031 tàm ƀòn dờng Cần Thơ.