Tơngai do, Anih lơh broă sùm tiah Tây Nguyên neh jơh nùs mblàng yal, lam lơh ală jơnau sồr pal lơh, jơnau lơh nền tàm pơrjum Đảng dê, gùng dà broă lơh, kơrnoăt boh lam Dà lơgar dê mờ jơnau sồr bơh Anih Jơnau đơs Việt Nam dê bè sền gàr dà lơgar, lơngăp lơngai, rơcăng, dră wơl sò tơm iơh bơsak, rơcăng ồs sa crùh ồs sa, niam lơngăp lơngai jơnau tơnggĭt mờ sền gàr jơnau ndơ̆p ndơr dà lơgar dê.

Đơs pơndŭt dơ̆ lòt sền, ồng Vũ Hải Quang đơs sùm: Anih lơh broă sùm tiah Tây Nguyên là mpồl lơh broă kwơmàng ngan bơh Anih Jơnau đơs Việt Nam dê, geh anih, gơnoar broă kwơmàng tàm lơh jăt kơnòl broă yal tơnggĭt, mblàng yal tàm ù tiah do. Ồng sồr Anih lơh broă pơn jăt tai lơh jăt niam gơnoar broă yal tơngĭt tờm kwơmàng, di tŭ ai jơnau lơh nền, gùng dà Đảng dê, gùng dà broă lơh, kơrnoăt boh lam Dà lơgar dê tus mờ làng bol, ngan là làng bol ală jơi bơtiàn dồ êt nă cau; rơcăng lài gĭt broă gơlik geh, yal wơl di mờ bơta geh ngan tàm kâp hơđơm dê, pơgồp bơnah gàr kơ̆ lơngăp lơngai chính trị, sền gàr dà lơgar, lơngăp lơngai.