Ồng Phạm Gia Túc- Phó Thủ tướng Duh broă sùm tus bal Pơrjum kấp dờng Kă bro phan mờ Bơcri priă Asean mờ Lo
Thứ sáu, 10:56, 18/09/2026
Cau mblàng K’Hạnh/VOV Tây Nguyên
Cau mblàng K’Hạnh/VOV Tây Nguyên
VOV.K’Ho- Ngai 17/9, tàm ƀòn dờng Nam Ninh, Tiah atbồ is kòn cau Choang Quảng Tây, lơgar Lo, ồng Phạm Gia Túc- Phó Thủ tướng Duh broă sùm Chính phủ lam bồ mpồl kwang bàng Việt Nam tus bal dơ̆ sơnđờm mut lơh Drà Lo mờ Asean (CAEXPO) mờ pơrjum kấp dờng Kă bro phan mờ Bơcri priă Lo mờ Asean (CABIS) dơ̆ 23.
Đơs tàm broă lơh, ồng Phạm Gia Túc- Phó Thủ tướng Duh broă sùm jờng rơ uă ngan broă lơh rcang lài bơh lơgar tờm lơgar Lo mờ gơnoar atbồ Quảng Tây dê; pin dờn CAEXPO mờ CABIS pơn jat tai pờ geh tŭ tơngai niam lơh broă bal ai mpồl lơh sa kă bro mờ làng bol Asean mờ Lo in.
Jat Phó Thủ tướng Duh broă sùm, tàm mờr 40 nam do, bơta gĭt gơ̆p Asean mờ Lo neh gơ gơs dùl tàm ală broă lơh lơh broă bal geh cồng nha, kơ̆ kơl jăp. Priă lơh geh bơh kă bro phan đah 2 gah dê gơguh rlau 130 dơ̆ mờ dơ̆ sơn rờp sơr lèt 1 rơbô tơmàn dolar Mỹ tàm nam 2025, ai Asean mờ Lo gơ gơs lơgar lơh broă bal kă bro phan dờng ngan rlau jơh bal mờ gơ̆p dê.
Viết bình luận