Tàm pơrjum, ồng Tô Lâm, Tổng Bí thư, Chủ tịch lơgar đơs loh, Hà Nội gam mŭt tàm dùl tŭ tơngai bơtàu tơngguh pa mờ jơnau sồr dờng rlau. Tài bè hơ̆, tơl nơm jơnau lơh nền bè kwang bàng ndrờm gơrềng tus pràn jak bơtàu tơngguh ƀòn dờng dê mờ rùp să ală anih lơh broă gơnăp gơnoar dà lơgar dê tềng đăp làng bol.

Tổng Bí thư, Chủ tịch lơgar pin dờn Mpồl Lơh kơnòl broă sùm Thành ủy Hà Nội rơ̆p gàr niam cồng nha lơh geh nàng bơ̆t bơtàu geh dùl mpồl kwang bàng ndrờm pal kơnòl broă, mpồl cau geh bơta khin cha, bồ tơngoh jak, geh nùs nhơm duh rơngòt adăt boh lam, sàng goh dòn song, geh pràn jak lơh broă, gàr niam gơnoar ătbồ lơh broă gơ lòt sùm, geh cồng nha. Bơh hơ̆, dong ai Hà Nội in bơsong geh ală broă kal ke, ală broă dờng, lơh gơlik geh tam gơl tàm sền gàr bơhiàn niam chài is rbô nam bơhiàn niam chài jŏ rài, bơtàu tơngguh dipal mờ anih Càr lơgar, tàm bơ̆t bơtàu muh măt ƀòn dờng dê, bơh Càr lơgar dê mờ tơngguh uă rài kis ai làng bol in.