Tơngume sền swì tơrgùm tàm broă bơyai lơh, lam lơh broă gơnoar ătbồ ƀòn lơgar bàr kâp mờ lơh jăt ală kơnòl broă, gùng dà broă rơndăp lơh nàng lơh geh gơguh tai lơh sa jăt Jơnau lơh nền tàm pơrjum bơh Pơrjum dờng XIV Đảng dê.

Đơs tàm pơrjum, ồng Lê Hoài Trung, Ƀộ trưởng Ƀộ Cribơyai broă mờ lơgar ndai sồr Mpồl Lơh kơnòl broă sùm Tỉnh ủy Gia Lai pơn jăt tai kờp sền wơl, tă bơsong di tŭ ală kal ke gơlik geh, gàr niam gơnoar ătbồ bàr kâp lơh broă gơ lòt sùm, geh cồng nha, rềp làng bol mờ rềp ù tiah ƀòn lơgar. Mờ càr Gia Lai kung kờñ pal lam lơh ndrờm bal ală gùng dà broă rơndăp lơh chồl pràn gơguh tai, jòi lơh niam bơta pràn, bơta ƀươn bơh ƀòn lơgar dê; tơrgùm bơsong ală anih gơkòl bè bơcri priă, phan bơna bơ̆t bơtàu, sră nggal sră pơ àr gơnoar ătbồ mờ bơta niam mpồl cau lơh broă; mơkung lơh bơsong wil tơl, di tơngai ală jơnau ờ pràn jak geh ai gĭt bơh sền swì, jăt sền.