VOV.K’Ho- Mho ngai 8/7, ồng Tô Lâm- Tổng Bí thư, Chủ tịch lơgar lơh broă mờ Mpồl Lơh kơnòl broă sùm Thành ủy ƀòn dờng Hà Nội bè cồng nha lơh jat kơnòl broă 6 nhai bồ nam mờ gùng dà broă lơh tàm tơngai tus.

VOV.K’Ho- Ngai 8/7, Kwang àng càr Lâm Đồng bơyai lơh Dơ̆ tơngkah kir sơnrai 80 nam Ngai bơhiàn Mpồl Kwang àng Làng bol.

VOV.K'Ho- Mho òr (08/07), Đại tướng ồng Phan Văn Giang, Phó Thủ tướng, Bộ trưởng Bộ Ling klàng lơh broă mờ Mpồl Lơh kơnòl broă sùm Tỉnh ủy càr Nghệ An bè broă bơtàu tơnguh lơh sa mpồl bơtiàn pơgồp bal mờ broă tơnguh sền gàr dà lơgar, lơngăp lơngai.

VOV.K'Ho- Mpồl duh broă Làng bol càr Dăk Lăk neh pờ tê ring bal pồ ồng Y Nhuân Byă, Phó Kwang lam bồ Mpồl Rơndăp broă Tỉnh ủy gut at gơnoar broă Phó Chủ tịch Anih duh broă Làng bol càr Dăk Lăk khoă XI, tơngai lơh broă bơh nam 2026 tus 2031.

VOV.K'Ho- Drim òr (08/07), tàm Hìu lơh broă Đảng Dà lơgar, ồng Tô Lâm, Tổng Bí thư, Chủ tịch lơgar lơh broă mờ gah Broă Dơlam is bè bơta niam cau lơh broă Việt Nam dê, gùng dà broă ai broă lơh kơl jăp tàm ƀòn lơgar, tiah drà, tiah làng bol jơi bơtiàn ờ gal cau, broă bơto cau lơh broă tàm tơngai bơtàu tơnguh pa.

VOV.K'Ho- Tàm Hìu Quốc hội, ồng Trần Thanh Mẫn, Chủ tịch Quốc hội đơs sùm, dilah ờ gàr niam bơta niam, tŭ tơngai mut lơh jat broă lơh den Bộ trưởng, Kwang lam bồ anih lơh broă đơng lam cih jơnau mờ anih lơh broă đơng lam sền sơwì pal kong kơnòl tềng đăp Chính phủ, Thủ tướng Chính phủ mờ tềng đăp Anih duh broă Lơh kơnòl broă sùm Quốk hội.

VOV.K’Ho- Mpồl K52, Gah đơng lam Mpồl ling klàng càr Gia Lai pa tơrgùm geh 1 ƀồc ntìng cau ling chơ̆t màng tàm tiah suơn kơphê bơh dùl hìu bơnhă dê ơm tàm ƀòn Yăng, sàh Ia Phí, càr Gia Lai.

VOV.K’Ho- Anih duh broă Làng bol càr Quảng Ngãi lơh nền bơtơl mờr 2 rơbô broă jàu sac rơwah kơnòm bơsram mut bơsram ơdŭ 10 nam bơsram 2026-2027 gơwèt mờ ală hìu bơsram kấp pe dà lơgar mờ ală anih bơto bơtê sùm tàm ù tiah càr dê. Jơnau lơh nền do lơh geh tai tŭ tơngai niam ai uă kơnòm bơsram ờ hềt gơ kờn rơ wah tàm ală hìu bơsram dà lơgar tơnơ̆ dơ̆ sac rơwah kơnòm bơsram sơn rờp.

VOV.K’Ho- Mho òr (07/07), đơng lam pơrjum bè Jơnau rơcang cih Jơnau lơh nền Chính phủ dê bè lơh tờm is hìu bơsram đại học, hìu bơsram bơto broă lơh dê; gùng dà priă jền gơ wèt mờ bơto bơsram đại học mờ bơto bơsram broă lơh; broă lơh kuơmàng dà lơgar bơto bơtê tiến sỹ jơh gùt tŭ tơngai, ồng Lê Tiến Châu, Phó Thủ tướng sồr, pal đal git loh gùng dà lơh tờm is đah hìu bơsram đại học dà lơgar mờ hìu bơsram nă să is.

VOV.K’Ho- Ngai òr (07/07), Anih duh broă Làng bol càr Dăk Lăk yal Jơnau lơh nền crơng gơs 5 Jơnum lơh broă sồr lơh bơsong kal ke, bơta gơ kòl, lơh mhar tơngai hơ pơrgon ai ù lơh ală rơndap broă lơh tàm càr.