Ồng Tô Lâm, Tổng Bí thư, Chủ tịch lơgar jờng rơ ală tă pơgồp bơh ồng Dmitry Medvedev dê gơwèt mờ bơta bơtàu tơnguh lơgar Nga dê mờ bơta git gơp lơh bơyô ờs mờng, Lơgar lơh broă bal jŏ jòng tơl làm Việt Nam - Nga. 

Đơs nền, Việt Nam sùm ki ngàm bơta dong kờl Liên Xô lài do dê mờ Lơgar ală ƀang Nga tŭ do dê, ồng Tô Lâm, Tổng Bí Thư, Chủ tịch lơgar sồr bàr Đảng pơn jat tai lơh niam gơnoar broă pơlam gùng git gơp 2 gah; sơlơ cribơyai mpồl, cribơyai jơnau tàm sră pơ àr mờ tam pà mờng chài bè bơt bơtàu Đảng, đơng lam broă dà lơgar, bơtàu tơnguh lơh sa mpồl bơtiàn mờ tam gơl sồ. Bàr gah ring bal chồl tơnguh lơh broă bal tàm ală gah năng lượng, nhơm zờu, jak chài - măi mok, tam gơl pa bơceh lơh, bồ tơngoh jak kòn bơnus lơh gơs, bơto bơtê - bơsram, logistics mờ tìp mat lơh kwèng làng bol.