Tơnơ̆ dơ̆ wă rò, tàm Gơlang Chính phủ, Chủ tịch Quốc hội ồng Trần Thanh Mẫn neh kĭ Sră cih nac pơn yờ să. Chủ tịch Quốc hội đơs sùm, git gơp lơh bơyô ờs mờng đah Việt Nam mờ Mông Cổ bơh Chủ tịch Hồ Chí Minh mờ ală rơnàng đơng lam 2 lơgar bơt bơtàu neh lòt gan rlau 70 nam bơtàu tơnguh niam bơnĕ. Is ồn, broă 2 lơgar tơng gơs bơta git gơp Lơh broă bal tơl làm neh pờ gơs tŭ tơngai lơh broă bal pa ngan ngồn, geh cồng nha mờ tơl làm tàm tơl gah broă.

Chủ tịch Quốc hội đơs nền, Quốc hội Việt Nam sùm sền dờng màng mờ crăp rơcang bal mờ Quốc hội Mông Cổ sơlơ tàm cribơyai mpồl, sơlơ tơnguh tai lơh broă bal đah ală Anih duh broă mờng chài, Mpồl Nghị sĩ lơh bơyô mờ nghị sĩ kơnòm să; pơgồp bơnah gàr kơ̆ bơta pin dờn chính trị, chồl tơnguh lơh broă bal lơh sa - kă bro phan, bơcri priă, niam chài, bơto bơsram mờ tìp mat lơh kwèng làng bol tài bơta kuơ làng bol 2 lơgar dê, tài ring lơngai, kơ̆ kơljap mờ bơtàu tơnguh tàm tiah do mờ tàm dunia.