Bàr nă kwang đơng lam bồ tơngŏ bơta niam nùs tềng đăp bơta bơtàu tơnguh jrô ơnàng làm uă, tơl làm mờ ngan ngồn gĭt gơ̆p Việt Nam mờ Mông Cổ, is ồn bơh tŭ 2 lơgar lơh geh gĭt gơ̆p Tam klăc lơh broă bal tơl làm di dơ̆ lòt còp kấp Dà lơgar tus lơgar Mông Cổ bơh ồng Tô Lâm- Tổng Bí thư, Chủ tịch lơgar dê tàm nhai 9/2024. Bàr gah ring bal pơn jat tai lơh kơ̆ bơta pin dờn chính trị, gàr niam sùm dơ̆ tìp mat kấp dờng mờ ală kấp mờ uă broă lơh ngăc ngar; pơn jat tai sơlơ tơnguh tai pờ ơnàng lơh broă bal cribơyai broă mờ lơgar ndai, sền gàr dà lơgar, lơngăp lơngai; lơh pràn lơh broă bal ngan ngồn, geh kwơ bal, bơh hơ̆ lơh geh bơta tam gơl pràn bè lơh broă bal lơh sa, kă bro phan mờ bơcri priă, tàm hơ̆ geh broă sơlơ tơnguh tai gờñ bơyai lơh Pơrjum dơ̆ 20 bơh Anih duh broă 2 Chính phủ Việt Nam mờ Mông Cổ; pơn đơl pràn lơh ngan gờñ lơh geh jơnau kờñ tơnguh priă lơh geh kă bro phan gơguh tus 200 tơlak dolar Mỹ; sơlơ tơnguh tai lơh broă bal jak chài măi mok, lòt nhơl, tam gơl sồ, năng lượng lơh gơlik wơl, năng lượng tơlir.

Thủ tướng lơgar Mông Cổ sồr đơs broă kơlôi sơnơng, sơlơ tơnguh tai cribơyai broă lơh jun pơdiang 3 gah Việt Nam- Mông Cổ mờ Lo nàng sơlơ tơnguh tai geh cồng nha, ngan ngồn lơh broă bal tàm gah gùng lòt rê jun pơndiang mờ logistics./.