Mìu dờng jŏ jòng, dà bơh bồ tô tuh rê lơh uă ƀòn lơgar đah mat tơngai mut càr Gia Lai gơtìp ngơr bam, tơrlah ù, gùng lòt gơtìp dà wềl jơh mờ lơh gơ rềng tus broă lơh sa. Tàm sàh Ia Pa, brong dà lìu Mơ Nang 2 neh geh tŭ gơbàn dà bam, wềl rlau 300 hìu bơnhă làng bol; rbàng dơm chi tơrbŏ Ia Pa mờ Ia Tul gơtìp dà cò pơrdô. Mờr 7 lồ kòi mờ tơngời lơh phan siam phan ròng in gơtìp dà wềl.

Tàm sàh Ia Hiao, rlau 180 lồ chi tam gơtìp gơ rềng, uă ngan là kòi, tơngời mờ uă bă chi tam lơyah ngai. Ală sàh Gào, Ia Krái, Phú Thiện kung gơlik geh ngơr bam, tơrlah tàm uă gơl gùng, tiah kềng gah dà dờng, dà croh. Gơnoar atbồ ƀòn lơgar neh sồr mpồl lơh broă, ntrờn làng bol lik bơh tiah sơbơng roh, tơngkah lài ală tiah tờm gơtìp gơ rềng mờ kờp tơrgùm hoàc huơr.

Tềng đăp bơta gơlik geh mìu dờng, drim ngai 9/9, Anih lơh broă sền gĭt lài trồ tiah dà ia càr Dăk Lăk tàm pơn jat sùm yal tơngĭt lài trồ tiah lơh aniai tàm kấp 1 mờ 2, geh mìu dờng làm uă tiah, mìu càl, càl pồt, kơnàs, mìu piar, pơhìn dà kŏ dà cò mờ tơrlah ù. Rlau 300 nă kơnòm bơsram gơwèt 10 ơdŭ bơsram tàm 2 tiah hìu bơsram bơh Hìu bơsram kấp 1 Chu Văn An, sàh Cuôr Đăng, geh rlô bơsram tài bơh gơl gùng ngơr băm dà uă tiah, dà bơh ală tiah kao su gơ hòr lơh ngơr bam dà, dà ñhăng. Ƀòn Aring, tiah geh hìu bơsram, sùm gơtìp ngơr bam dà tŭ mìu dờng. Gơnoar atbồ sàh neh sồr bơsong mơkung lơh broă rơndăp lơh lơh niam wơl ală tiah tơrlah ù, lơh rbòng yuh dà tih.