Jat Jơnau lơh nền bơh Thủ tướng Chính phủ, Mpồl Atbồ ală Tiah lơh sa mờ ală Tiah lơh sa mờ măi mok Dăk Lăk geh tơnggơs jat tàm ală bơta tơmŭt bal Mpồl Atbồ Tiah lơh sa Phú Yên, Mpồl Atbồ ală Tiah lơh sa mờ măi mok càr Dăk Lăk mờ Mpồl Atbồ Tiah lơh broă sa suơn sre ngui măi mok pa Phú Yên.

Tàm pơrjum, Anih duh broă Làng bol càr Dăk Lăk kung yal jơnau lơh nền pồ 9 nă kwang bàng at ală gơnoar broă đơng lam bồ Mpồl Atbồ. Ồng Huỳnh Lữ Tân, Lam bồ Mpồl Atbồ Tiah lơh sa Phú Yên, geh pồ at gơnoar broă Lam bồ Mpồl Atbồ ală Tiah lơh sa mờ ală Tiah lơh sa mờ măi mok Dăk Lăk. Ồng Đỗ Hữu Huy, Chủ tịch Anih duh broă Làng bol càr Dăk Lăk sồr Mpồl Atbồ mhar bè ờs mpồl rơndăp broă, gàr niam broă lơh ờ gơtìp ơm ing; mơkung lơh jat niam gơnoar tờm tàm atbồ, gơ hòi gơ jà bơcri priă, dong kờl mpồl lơh sa kă bro mờ sơlơ tơnguh tai geh cồng nha broă lơh bơh ală Tiah lơh sa, tiah lơh sa mờ măi mok, tiah broă lơh sa suơn sre ngui măi mok pa tàm ù tiah càr dê.