Mò Võ Thị Ánh Xuân, Phó Chủ tịch lơgar neh jào 210 pò phan Satềp Trung thu pà ală kơnòm dềt gam sơm kòp, tơn pràn să jan tàm Hìu sơnơm Tơn pràn să jan càr Tuyên Quang; mờ jào pà Hìu sơnơm in 200 tơlăk đong. Còp să, pơn dờm pơniang ală kơnòm dềt gơtìp kòp, koĕt kơl te, mò Võ Thị Ánh Xuân, Phó Chủ tịch lơgar pơyoa jơnau chờ gờm ală kơnòm dềt wă rò Satềp Trung thu chờ hờp, hờm ram; pơn jăt tai gơlòng sồr, lơh ngan sơm kòp, bơsram tàp nàng gờñ pràn kơl dang să jan.

Đơs nền kơnòm dềt là rơnàng tơnơ̆ do dà lơgar dê, mò Võ Thị Ánh Xuân, Phó Chủ tịch lơgar sồr broă sền gàr, drơng gàr mờ tơnguh uă bơta pràn kơl dang să jan kơnòm dềt dê pal pơn jăt tai geh sền gròi, ai lài. Mờ sồr ală kấp, gah lơh broă, mpồl lơh broă, cau dùl nă să pơn jăt tai sền gròi, tus bal drơng gàr niam rơlao ai kơnòm dềt koĕt kơl te, kơnòm dềt geh rài kis kal ke in; ai tơl bơta niam nàng ală kơnòm dềt do geh bơsram sră, drơng gàr bơta pràn kơl dang, tơrgùm bal mờ mpồl bơtiàn mờ bơtàu tơnguh tơl ală bơta.