Tơnơ̆ rơndăp tăp sèng, càr Khánh Hoà gam 246 hìu bơsram dà lơgar lơh, gơmù 482 hìu bơsram, ndrờm mờ gơmù 66%. Uă hìu bơsram geh bơyai lơh jăt broă lơh hìu bơsram tờm, hìu bơsram pơn jăt bal mờ hìu bơsram tàm ală tiah ndrờm bal, lơh ơdŭ bơsram, kơnòm bơsram tàm dùl hìu bơsram dờng rơlao mờ lài.

Jơnau đơs pơn dŭt dơ̆ lơh broă, ồng Phạm Ngọc Thưởng, Thứ trưởng Bộ Bơto bơtê mờ Bơsram sồr Anih duh broă Làng bol càr Khánh Hoà bal mờ gah bơto bơtê mờ bơsram càr Khánh Hoà sền wơl, tơrmù ală dơ̆ pơrjum, dơ̆ pơrlòng ờ geh kwơ, nàng cau pơgru tơnguh tơngai bơto sră. Gah bơto bơtê pơn jăt tai lơh pràn broă tam pà kấp, tam pà gơnăp gơnoar, tam gơl pa gùng dà broă atbồ. Gơwèt mờ ală hìu bơsram geh lơh dờng, pal tơnguh broă ngui jơnau yal tơngit, jơnau yal tơngit mờ măi mok nàng dong kờl atbồ broă, tơrmù kal ke sră nggal ai hìu bơsram in.