Ồng Tô Lâm, Tổng Bí thư, Chủ tịch lơgar đơs nền Việt Nam sùm sền dờng màng gĭt gơ̆p lơh bơyô ờs mờng bơh yau mờ Tam klăc lơh broă bal Jŏ jòng Tơl làm mờ lơgar Nga, sền lơgar Nga là dùl tàm ală cau tam klăc lơh broă bal kwơmàng khà dùl tàm gùng dà broă lơh lơh broă mờ lơgar ndai bơh Việt Nam dê. Lơgar Việt Nam sùm cih kah mờ sền dờng màng ngan bơta kờñ bal, dong kờl dờng ngan, jơh nùs jơh tồr bơh làng bol lơgar Liên Xô lài do dê mờ làng bol lơgar Nga ngai do dê gơ wèt mờ broă lơh tam lơh dong klàs jơi bơtiàn, tơrgùm dùl dà lơgar, kung bè bơ̆t bơtàu mờ sền gàr Dà lơgar tờm.

Tổng Bí thư, Chủ tịch lơgar đơs sùm gĭt gơ̆p Việt Nam mờ Nga neh geh lòng bơh tŭ tơngai mờ ală tam gơl bơh bơta dunia dê, gơgơs là jơtài bal kwơmàng ngan bơh bàr jơi bơtiàn dê. Việt Nam kơ̆p kờñ bàr đah pơn jăt tai prăp gàr, đòm jăt ală bơnàng jă niam bơnĕ, mơkung bơtơl ală tơngume lơh broă bal pa, dipal mờ jơnau kờñ bơtàu tơngguh tàm tŭ tơngai tŭ do.