Đơs tàm dơ̆ sơn đờm, Trung tướng Lê Ngọc Hải, Atbồ Ling tiah 5 pà git, càr Dăk Lăk là tiah sơnrờp tàm Ling tiah 5 dê bơyai lơh tàp ling tiah rơcang gàr lài kấp càr tàm tơngai lơh broă bơh nam 2026 tus 2031.

Dơ̆ tàp ling geh kwơ màng ngan nàng pơn jăt tai lơh jăt, lơh mùl màl jơh nùs nhơm, gùng dà broă lơh bơh Đảng, adăt boh lam bơh Dà lơgar dê bè broă bơ̆t bơtàu gah sền gàr dà lơgar gùt làng bol pơgồp bal mờ bơta pràn gùt làng bol sền gàr lơngăp lơngai. Mờ tơnguh uă bơta pràn đơng lam, sồr lơh, lam lơh bơh kấp ủy, gơnoar atbồ càr dê; bơta pràn pơlam, bơyai lơh jăt bơh ală anih lơh broă, mpồl ling tàm broă bơ̆t bơtàu mờ broă lơh tàm tiah rơcang gàr lài geh bơyai lơh tàm bơta lơh broă jăt broă lơh gơnoar atbồ ƀòn lơgar 2 kấp; tàm hơ̆ uă ngan là tàm broă bơsong ală broă bè sền gàr dà lơgar lơngăp lơngai.