VOV.K’Ho- Drim òr (08/09), tàm Hìu lơh broă Cíñ phủ, Thủ tướng Cíñ phủ ồng Phạm Minh Chính đơng lam dar pơrjum mìng dùl tơngume nàng lơh adat boh lam nhai 9 nam 2025, tă pơgồp jơnau đơs gơwèt mờ 9 rơndăp broă lơh adat.

VOV.K'Ho- Tàm sàh tiah ngài Ea Drông, càr Dăk Lăk, broă bơsram mờ đờm jăt bồ tơngoh, nùs nhơm, broă lơh bơh Hồ Chí Minh dê neh gơs broă lơh tàm uă tiah, lơh geh pràn kơl dang tàm mpồl Đảng mờ rài kis mpồl bơtiàn. Ờ mìng ơm wơl tàm jơnau geh ai, ală ci ƀộ neh lơh mùl màl jơh broă bơsram Wa Hồ dê mờ ală broă lơh mùl màl, pơlam nùs nhơm geh kơnòl, bồ tơngoh brồ guh mờ kơ̆p kờñ lơh broă bơh kwang bàng, đảng viên dê. Bơh tŭ hơ̆ pơgồp bal tàm broă lơh tam gơl muh măt ƀòn lơgar, drơng rài kis làng bol.

VOV.K'Ho- Drim òr (08/09), tàm hìu Quốk hội neh bơyai lơh Pơrjum dơ̆ sơnrờp Mpồl dềt yal tơngit mblàng jơnau, Mpồl duh broă tĕ khà dà lơgar.

VOV.K’Ho- Ală ngai do, bulah trồ tiah mìu uă, mơya tàm tiah lơh Rơndăp broă lơh lơh niam wơl, lơh kơnhăp Gùng dờng 28B - gơl gùng lòt tờm tàm tơrbŏ Phan Thiết - Dà Làc, đơs brê mờ dà lềng tàm Lâm Đồng, nùs nhơm mut lơh kung gam mhar ngan sơl.

VOV.K’Ho- Tàm ală ngai do, mìu dờng jŏ jòng tàm càr Gia Lai neh lơh ngơr bam jrô tàm uă ƀòn làng bol ơm kis mờ bă ù tam phan tàm ală sàh Ia Hiao, Ia Pa mờ Pờ Tó.

VOV.K’Ho- Drim ngai 7/09, tàm càr lơgar Hà Nội, Anih jơnau đơs Việt Nam yŭ rơyùm bơyai lơh Dơ̆ tơnkah 80 nam ngai crơng gơs (7/9/1945 - 7/9/2025) mờ dờp rò sơlòng Hồ Chí Minh dơ̆ 3.

VOV.K’Ho- Drim òr (07/09), tàm Hà Nội, Anih sơn-io rùp Việt Nam bơyai lơh Dơ̆ tơngkah 55 nam Ngai pờ tơlik jơnau sơn-io rùp sơn rờp (07/9/1970 – 07/9/2025); dờp Gai lòng lơh broă khà dùl; tơlik mat mờ pờ tơlik ngan ngồn gah Sơn-io rùp Lơh broă mờ lơgar ndai dà lơgar – Vietnam Today.

VOV.K’Ho- Mang òr (07/09), tàm Hìu lơh broă Cíñ phủ, Thủ tướng ồng Phạm Minh Chính neh đơng lam dơ̆ pơrjum kờp sền, pơn jat tai lam lơh rơndap broă lơh gùng rơndeh ồs lòt mhar tàm gơl gùng tiah đah tô – tiah đah jum dà lơgar mờ gơl gùng rơndeh ồs Lào Cai – Hà Nội – Hải Phòng.

VOV.K’Ho- Mpồl Lơh kơnòl broă sùm Tỉñ ủy càr Khánh Hòa pa bơyai lơh Pơrjum ai jơnau đơs bè broă rơndap lơh bơcri priă dà lơgar dimơ tơngai mờ lam lơh ală kơnòl broă tam gơl pràn tàm nam 2025.

VOV.K'Ho- Tàm bơta uă kơnòl broă geh tam pà kấp tus tàm sàh, tàm hơ̆ uă ngan là tơnơ̆ mờ tŭ lơh jăt gơnoar atbồ bàr kấp, broă bơsram bơta chài, tơnguh uă bơta pràn jak sồ ai mpồl kwang bàng, kông cứk kấp sàh tàm càr Dăk Lăk gơs broă pal geh lơh. Gơlik bơh tàm jơnau sồr broă lơh dê, uă sàh, sơnah ƀòn tàm càr Dăk Lăk neh rơcang lài bơyai lơh bơto pơlam ai kwang bàng, kông cứk in, nàng git ngui niam ală măi mok sồ tàm broă lơh pah ngai, drơng làng bol in niam rơlao.