VOV.K’Ho- Tàm Tiah tềl lời wơl Anih ơhò ơm ờ geh sồ Vũng Rô (tŭ do gơwèt sàh Hòa Xuân, càr Dăk Lăk), Tỉñ đoàn Dăk Lăk bơyai lơh Dơ̆ ai cau lik lòt lơh broă Nhai ơruh pơnu mờ broă lơh Nhai 3 tiah nhàr lơgar nam 2026, gơ hòi gơ jà rlau 500 nă kwang bàng, đoàn viên, ơruh pơnu tus bal.

VOV.K’Ho- Mho òr (02/03), tàm Hà Nội, Tổng Ƀí thư ồng Tô Lâm đơng lam dơ̆ lơh broă mờ Mpồl gùng dà broă lơh mờ Broă rơndap lơh dà lơgar bè bơt bơtàu Jơnau lơh nền tàm pơrjum broă lơh kuơmàng dong lơh sa gơguh 2 nơm sồ gơ jat bal mờ tơng gơs broă lơh gơguh lơh sa pa.

VOV.K’Ho- Di tơngkah kir sơnrai Ngai bơhiàn Mpồl ling sền gàr tiah nhàr lơgar mờ Ngai chờ sền gàr tiah nhàr lơgar jơh gùt làng bol ngai 03/3, Mpồl ling sền gàr tiah nhàr lơgar càr Dăk Lăk dồ ròt bơyai lơh uă broă lơh ngan ngồn tàm 16 sàh, sơnah ƀòn tiah nhàr lơgar dà lềng mờ ù gờl.

VOV.K'Ho- Ngai òr (02/03), Mpồl Sồr lơh Tĕ khà càr Khánh Hoà pơrjum sền wơl broă rơcang bơyai lơh tĕ khà cau ala măt Quốk hội khoă XVI mờ Mpồl duh broă Làng bol ală kấp tơngai bơh nam 2026 tus 2031.

VOV.K'Ho- Mho òr (02/03), tàm hìu lơh broă Cíñ phủ, Thủ tướng ồng Phạm Minh Chính wă ồng Bakytzhan Sagintayev, Củ tịc Mpồl duh broă Anih duh broă Lơh sa câu Á mờ câu Âu (EAEU), gam còp mờ lơh broă tàm lơgar Việt Nam.

VOV.K'Ho- Tổng Ƀí thư ồng Tô Lâm đơs sùm, rcang lài kơryan sa kuề sa kuà, pơhì pơhà mờ bơta ờ niam là kơnòl broă is ồn kwơ màng, sùm sùm, jŏ jòng bơh broă lơh bơt bơtàu, lơh niam wơl Đảng mờ ală anih lơh broă cíñ trị.

VOV.K’Ho- Đơs sơnđờm mut Dar pơrjum dơ̆ 55 bơh Anih duh broă Lơh kơnòl broă sùm Quôk hội drim òr (02/03), tàm Hìu lơh broă Quôk hội, Củ tịc Quôk hội ồng Trần Thanh Mẫn sồr ală cau tàm mpồl Anih duh broă Lơh kơnòl broă sùm Quôk hội kờñ kờp sền nền nòn ngan ală anih lơh broă yal nàng gàr niam sră pơ àr, tŭ tơngai mờ bơta niam ală jơnau rcang cih adat.

VOV.K’Ho- Anih duh broă tĕ khà càr Dăk Lăk pa bơyai lơh dar pơrjum dơ̆ 6 nàng sền sơ wì mờ lam lơh ală tơngume kwơ màng geh gơrềng tus broă lơh tĕ khà Cau ala mat Quôk hội khoă XVI mờ Cau ala mat Mpồl duh broă Làng bol ală kấp tơngai lơh broă bơh nam 2026 - 2031.

VOV.K’Ho- Ală nam do, Mpồl ling sền gàr tiah nhàr lơgar càr Dăk Lăk sùm rcang lài lùp lăp, đơs broă lơh bơt bơtàu mpồl ling kơnhăp pràn, atbồ, sền gàr kơnhăp kơ̆ gơnoar tờm, lơngăp lơngai tiah nhàr lơgar bơh Dà lơgar dê, kơ̆ kơl jăp rlau tai broă lơh jơh gùt làng bol sền gàr tiah nhàr lơgar, nùs nhơm rcang gàr lài jơh gùt làng bol sền gàr tiah nhàr lơgar kơnhăp pràn. Bal mờ hơ̆, Mpồl ling sền gàr tiah nhàr lơgar càr Dăk Lăk neh lơh jat geh cồng nha kơnòl broă rcang gàr lài, rcang lài kơryan kŭp phan tàm dà lềng tìs mờ adat boh lam, ờ yal mờ lơh jat jơnau sồr (IUU); tus bal rcang lài pleh mờ trồ tiah lơh aniai, jòi dong kờl cau gơtìp rềs àr.

VOV.K’Ho- Tàm dơ̆ lòt lơh broă tàm càr Dăk Lăk, Thủ tướng Cíñ phủ ồng Phạm Minh Chính lòt còp, pà phan ală hìu bơnhă làng bol gơtìp hoàc huơr tài mìu dà tih dà lìu tàm nam 2025, tŭ do neh geh lơh hìu ơm pa tàm ƀòn ơm kis pa thôn Quảng Đức, sàh Tuy An Nam.