Tàm dơ̆ lơh bơyai lơh, ồng Lê Minh Hưng, Thủ tướng Chính phủ neh jàu khà jờng dờng màng bơh Đảng mờ Dà lơgar, cih dờp ală tă pơgồp bơh Mpồl mờ ală mpồl lơh sa kă bro dềt mờ dimơ dê tàm broă lơh bơt bơtàu, bơtàu tơnguh Dà lơgar. Ồng Lê Minh Hưng- Thủ tướng Chính phủ sồr ală mpồl lơh sa kă bro dềt mờ dimơ pal ròng bơta kơ̆p kờñ dờng, hời rơ hời gơ gơs mpồl lơh sa kă bro dờng, brồ guh tàm tiah do mờ ală lơgar.

Thủ tướng đơs sùm gơnoar kwơ màng bơh tiah lơh sa làng bol dê lơh is, tàm hơ̆ mpồl lơh sa kă bro dềt mờ dimơ là mpồl tờm pơgồp bơnah lơh jat jơnau kờñ gơguh tai 2 nơm khà mờ ală broă lơh kwơ màng bơtàu tơnguh dà lơgar tus nam 2030, sền sơnơng tus nam 2045. Thủ tướng sồr pơn jat tai tơrmù, lơh ƀuơn sră pơ àr gơnoar atbồ, ală bơta kă bro mờ priă jền lơh jat; lơh sir jơnau rcang cih Adat Bơtàu tơnguh mpồl lơh sa kă bro dềt mờ dimơ. Anih priă jền Dà lơgar kờñ pal đơng lam ală mpồl ai càn priă lơh li la phan bơna, ngui măi mok, tơn lơyah tơngai bơsong sră nggal nàng mpồl lơh sa kă bro in ƀuơn ngan gĭt mờ priă càn.