Bơh lồi nhai 6, Khánh Hoà lam lơh Broă lơh 90 ngai lơh uă sờr ntrờn măt ù ală broă lơh bơ̆t bơtàu tờm kwơmàng in, lơh geh bơta pràn gơn kơnờm tàm ù tiah càr. Tus tŭ do, 13 rơndăp broă lơh neh jơh lơh halà sền bal lơh geh jơnau kờñ; 7 rơndăp broă lơh lơh geh tơngai pơrgon bơh 50% rlau hơđăng mờ geh tơl pràn lơh sir dilah pơn jăt tai tơnguh pràn. 13 rơndăp broă lơh lơh geh tơngai pơrgon hơđơm 50%.

Jơnau gơbàn lơyài là sră nggal ù tiah ờ ƀươn soh, bàr pe mpồl lơh broă pơgồp bal ờ hềt niam, sră nggal ờ hềt geh lùp nền wơl, lir yal mờ ờ hềt lơh broă mờ làng bol. Sờh Bơ̆t bơtàu càr Khánh Hoà neh lơh sră cih măt pơgăp 30 rơndăp broă lơh tờm kwơmàng, tơrgùm tàm ală mpồl bơcri priă dà lơgar, tiah drà, hìu ơm, lòt nhơl, lơh sa mờ măy mŏk mờ năng lượng…Kờp jơh priă bơcri bơh tŭ do tus lồi nam pơgăp 66 rbô tơmàn đong.