Càr Lâm Đồng – Gùng đơs crih Tơlir” là jơnau yal tờm tàm Pơrjum bơyai pơlam ală gùng dà broă lơh bơtàu tơnguh lòt nhơl tơngai bơh nam 2026 tus 2030, wèt tus nam 2040, geh Anih duh broă Làng bol càr Lâm Đồng bơyai lơh ngai 25 nhai 8 tàm Dà Làc.

Ală cau ala măt đơs là, tơnơ̆ mờ tơmŭt bal, càr Lâm Đồng geh bơta dờng ơnàng bơtàu tơnguh lòt nhơl, uă bơta rơlao, mờ bơta pràn bè phan geh is mờ bơta pràn tơrbŏ bal tiah. Mơya, càr pal tam gơl pa bồ tơngoh atbồ broă lơh, bơsong broă lơh phan lòt nhơl ndrờm bal, tơnguh broă tơrbŏ bal tiah ală ală gơl gùng, mpồl broă lơh drơng ala; tơnguh bơta geh lòt nhơl dà lềng, ù tiah, sền gàr bơta pràn kơl dang să jan mờ lơh sa trồ mang. Anih duh broă Làng bol càr Lâm Đồng ai, lòt nhơl pal geh bơtàu tơnguh tàm bơta drờm bal, ai geh bơta kwơ gơguh uă rơlao, ndrờm bal đah bơtàu tơnguh lơh sa mờ prăp gàr ù tiah geh is, tiah kis, niam chài mờ tơnguh uă rài kis mpồl bơtiàn. Càr Lâm Đồng ai gùng dà bơtàu tơnguh lòt nhơl tơlir, kơl jăp, bơta niam uă, tơnguh bơta pràn “Tiah bơnơm – Dà lềng – Ù tiah”.