VOV.K’Ho – Anih duh broă Làng bol càr Dăk Lăk bơyai lơh pơrjum jal mhar lam lơh ală broă lơh drơng wơl mờ càl rbut dờng sồ 13 mờ mìu dà tih tàm càr.

VOV.K’Ho- Ngai òr (04/11), Ƀộ Kwang àng bơyai lơh Pơrjum pơlam lơh jat jơnau lơh nền tàm pơrjum, broă lam lơh jat Jơnau lơh nền tàm Pơrjum dờng cau ala mat Đảng ƀộ Kwang àng dà lơgar dơ̆ VIII mờ lam lơh srơh tàm pơrlòng “Pe ngan rlau jơh: Duh rơngòt adat boh lam ngan rlau jơh; Dòn song ngan rlau jơh; Rềp làng bol ngan rlau jơh” tàm jơh gùt mpồl Kwang àng làng bol.

VOV.K'Ho- Tềng đăp mờ bơta kal ke bơh mìu càl dờng sồ 13 Kalmaegi, geh yal lài là mìu càl dờng pràn, ntrờn mhar mờ di gơlan lơh gơrềng tơn tus tàm tiah Đah jum Tàm gùl lơgar mờ Tây Nguyên, ală càr tàm tiah do gam jal mhar lơh jăt gùng dà rơcang drơng nàng tơrmù ờ uă ngan hoàc huơr bơh mìu càl dờng lơh.

VOV.K'Ho- Mho mờ mang òr (04/11), tàm Hìu lơh broă Cíñ phủ, Thủ tướng ồng Phạm Minh Chính đơng lam Dơ̆ pơrjum 20 bơh Mpồl Sồr lơh Dà lơgar bè tam dră mờ lơh phan tàm dà ờ di mờ adăt boh lam, ờ yal mờ ờ lơh jăt jơnau geh ai bơh (IUU) dê, pờ tơlik tàm internet mờ 21 càr, ƀòn dờng jăt gah dà lềng.

VOV.K'Ho- Mang òr (03/11), đơs tàm Dơ̆ Tơn jơh Bơyai lơh drà Kàl hàm dơ̆ dùl nam 2025, Thủ tướng Cíñ phủ ồng Phạm Minh Chính hòi jà mpồl bơtiàn mpồl lơh sa kă bro, làng bol mờ cau ling jơh gùt lơgar pơn jăt tai lòt bal, sơm băt tê bal dong kờl, tam pà bal bơta roh rui hoàc hươr, bơtơl tai bơta gơn kơnờm nàng làng bol tiah trồ tiah lơh aniai, mìu càl rbŭt dờng dà kŏ dà cò lơh aniai in kơ̆ nùs, kơ̆ kơl jăp tềng đăp kal ke, mhar bè ờs wơl rài kis mờ lơh wơl lơh sa kă bro.

VOV.K'Ho- Mho òr (03/11), Anih duh broă Làng bol càr Dăk Lăk pơrjum pờ tơn tàm internet pơgồp bal pơrjum tơn lam lơh ală broă lơh drơng mờ mìu càl rbŭt dờng sồ 13 (Kalmaegi) mờ mìu dà tih tàm ù tiah càr dê.

VOV.K'Ho- Ai jơnau đơs tàm Rơndăp broă lơh Adăt tam gơl, bơtơl bàr pe bơta bơh Adăt Ătbồ dồs dà lơgar, ală cau ala măt Quôk hội sồr kờp sền gơ in nền nòn ngan nàng kờñ ai tơl bơta ƀươn tàm broă ătbồ dồs dà lơgar, nàng dà lơgar bơtàu tơngguh; mơkung lơh geh bơta pin dờn ai ală cau bơcri priă tus lơgar Việt Nam in mờ bơta pin dờn tàm làng bol.

VOV.K’Ho- Tàm sàh Ngọc Linh, càr Quảng Ngãi (lài do gơ wèt kơnhoàl Đăk Glei, càr Kon Tum), tơrlah ù gơlik geh tàm bơnơm bồ tô dà neh lơh 5 ƀòn cau Sơdàng dê gơtìp gơ wềl, tam cah is.

VOV.K’Ho- Cau pơgru jak Ksor Chuel, 76 sơnam, kòn cau Jrai, geh rlau 30 nam lơh broă tàm gah bơto bơtê càr Gia Lai. Rê wơl mờ ƀòn lơgar tơnơ̆ tŭ ơm rlô, ồng pơn jat tai tus bal ală mpồl, mpồl cau tàm càr dê, jơh nùs tă pơgồp bồ tơngoh, dà kơl hề mờ jơh bal phan bơna nàng bơt bơtàu ƀòn lơgar. Ồng pơn jat tai là krơh àng, lơh gơ kờñ ai uă rơnàng ơruh pơnu, kơnòm pa tàu kòn cau Jrai in brồ guh tàm broă bơsram sră, broă lơh.

VOV.K’Ho- Thủ tướng Cíñ phủ ồng Phạm Minh Chính pa kĭ Sră nggal sồr ală Ƀộ, gah broă mờ ală tiah tơrgùm bơsong jơnau gơ lời wơl tài bơh mìu dờng dà kŏ dà cò kơn jơ̆ ngan tàm tiah tàm gùl lơgar.