Kờp dŭ tàm 2 dơ̆ pơrjum: dơ̆ 1: 1 ngai (mho do mờ drim ngai hìng 04/9/2026); dơ̆ 2: 4 ngai nggùl (bơh ngai 21/9 tus drim ngai 25/9/2026). Tàm dar pơrjum dơ̆ 6, Anih duh broă Lơh kơnòl broă sùm Quốc hội rơ̆p sền sơwì, tă pơgồp jơnau đơs bè 27 rơndăp broă lơh Adat, Jơnau lơh nền tàm pơrjum, sền gròi ngan bè rơndăp broă lơh: Adat tam gơl, bơtơl bàr pe bơta bơh Adat Chứng khoán; Adat tam gơl, bơtơl bàr pe bơta bơh Adat Kế toán, Adat Kiểm toán độc lập…

Kung tàm dar pơrjum, Anih duh broă Lơh kơnòl broă sùm Quốc hội rơ̆p sền sơwì, ring bal ală jơnau rcang cih Jơnau lơh nền tàm pơrjum pal sền gròi, bè: Jơnau lơh nền tàm pơrjum bè Broă lơh lơh adat boh lam nam 2027; Jơnau lơh nền tàm pơrjum cih bè broă ală anih lơh broă lùp sền geh tă dùl bơnah bơh ală bơnah priă ai wơl, gĭt gŏ bơh lùp sền tŭ tong tàm kes priă dà lơgar dê nàng tă ngui ai broă lơh mờ tơnguh bơta pràn jak bơh anih lơh broă lùp sền dê; Jơnau lơh nền tàm pơrjum cih bè broă lơh sền gàr Cau đơng lam cah rơña. Anih duh broă Lơh kơnòl broă sùm Quốc hội rơ̆p tă pơgồp jơnau đơs bè Ală jơnau neh lơh nền Broă lơh jơnau kờñ dà lơgar rcang lài, kơryan cau lơh tìs tơngai bơh nam 2026 -2030, sền sơnơng tus nam 2035.