Tàm 5 ngai ơm rlô, bơh ngai 29/8 tus ngai 2/9, kờp jơh mpồl năc tus sền, ơm ing wơl tàm ù tiah càr Lâm Đồng dê pơgăp 680 rơbô nă cau, gơguh 15% pơndrờm dùl tŭ bal mờ nam lài. Priă lơh geh lòt nhơl kờp dŭ geh pơgăp 1 rơbô 410 tơmàn đong. Năc ơm ing wơl tơrgùm bơh ngai 29/8 tus ngai 1/9. Bơta pràn cơldŭ ơm ing kờp bal lơh geh pơgăp bơh 65-70%; mìng is ală hìu năc bơh 3 tus 5 sơr mañ lơh geh pơgăp bơh 80-85%. Tàm ală ngai uă ngan bơh ngai 30/8 tus ngai 1/9, uă anih ơm ing lơh geh bơta pràn 100%.

Dơ̆ ơm rlô nam do, lòt nhơl càr Lâm Đồng geh bơyai lơh duh hồl mờ uă broă lơh niam chài, nhơl chờ, lơh rài bồ tơngoh; Ƀlàng rơndeh par Liang Khàng lơh broă wơl kung pơgồp bơnah tơnguh tàm tơrbŏ bal, gơ hòi gơ jà năc lòt nhơl. Giă cơldŭ ơm ing mờ ală drơng broă lòt nhơl sền bal bè ờs, gơguh di mơ pơndrờm mờ ngai bè ờs; ờ cih dờp bơta tơnguh giă, tàm rơndăp rơndồl. Lơngăp lơngai, rơndăp tap sèng, lơngap lơngai lòt rê, rcang lài crùh ồs sa mờ lơngăp lơngai tàm ală tiah, tiah lòt nhơl sền bal geh gàr niam.