VOV.K'Ho- Pơrjum dờng Cau ala măt gùt lơgar dơ̆ XIV Đảng dê là tŭ tơngai kwơmàng, lơh tềl tŭ tơngai tàm pơn jăt tai bơh broă lơh Tam gơl pa dê, là bơta tam gơl kwơmàng tàm bơta bơtàu tơngguh dà lơgar dê. Bal mờ bơta pràn mờ bơngă neh ai geh tơnơ̆ 40 nam tam gơl pa, bơta dồ nùs bal bơh jơh gùt Đảng, gùt làng bol mờ gùt ling klàng dê bơh bơta đơng lam bơh Đảng dê, dà lơgar he tìp bal tơl ală bơta nàng mŭt tàm tŭ tơngai bơtàu tơngguh pa.

VOV.K'ho- Tàm nùs nhơm chờ hờp chờ gờm Pơrjum dờng cau ala măt gùt lơgar dơ̆ XIV Đảng dê, làng bol ală jơi bơtiàn ờ gal cau tàm gùt lơgar pơyoa jơnau kơ̆p gơn uă ngan tàm ală gùng dà broă lơh, kơrnoăt geh ai kwơ màng bơh Đảng dê. Bơh tŭ hơ̆, kơ̆p gơn pơn jăt tai lơh geh ală bơta pràn bơtàu tơnguh, gơguh pràn kơl dang mpồl tam klăc gùt jơi bơtiàn, ai geh bơta pràn bơtàu tơnguh kơl jăp.

VOV.K'Ho- Tàm ală ngai bồ nam 2026, nùs nhơm pơrlòng lơh broă tàm ală tiah lơh broă, rơndăp broă lơh tàm tiah bơnơm đah măt tơngai Mŭt càr Quảng Ngãi geh lơh duh hồl, mhar ngan. Do ờ mìng là lơh ngan sơrlèt mờ kal ke tàm bơta lơh broă kal ke mờ gam là broă lơh mùl màl lơh geh cồng nha chờ gờm Pơrjum dờng Cau ala măt gùt lơgar dơ̆ XIV Đảng dê, pơgồp bal tàm broă lơh geh muh măt pa ai tiah bơnơm đah măt tơngai mŭt in, lơh pràn broă bơtàu tơnguh lơh sa mpồl bơtiàn kơl jăp.

VOV.K'Ho- Mho ngai 15/01, tàm Hìu duh broă Cíñ phủ, Thủ tướng Cíñ phủ ồng Phạm Minh Chính neh wă mò Chea Kimtha, Kwang ătbồ Anih lơh broă ala măt lơgar Campuchia tàm Việt Nam lòt còp tơngăc di dơ̆ tơn jơh tơngai lơh kơnòl broă tàm Việt Nam.

VOV.K'Ho- Ngai 15/01, tàm sàh Phước Dinh, Anih duh broă Làng bol càr Khánh Hoà bơyai lơh Dơ̆ sơnđờm lơh Rơndăp broă lơh ntrờn làng bol, rơndăp ƀòn ơm kis pa, sờr ntrờn ù tiah ai ù lơh Hìu măy Đèng hạt ñân Ninh Thuận 1 – broă lơh bơh sơnrờp kwơmàng nàng kờñ lơh di tơngai lam lơh rơndăp broă lơh tờm kwơmàng dà lơgar dê, gơ jăt bal mờ kơ̆ kơl jăp rài kis, broă lơh broă sa jŏ jòng ai làng bol tiah rơndăp ù tiah in.

VOV.K’Ho- Mho ngai 15/1, tàm Hìu lơh broă Ƀộ Cribơyai broă mờ lơgar ndai, Ƀộ Cribơyai broă mờ lơgar ndai bơyai lơh ală dơ̆ pơrjum tă pơgồp jơnau đơs cau tĕ khà tiah lơh broă gơwèt mờ ồng Lê Hoài Trung, Ƀí thư Đảng ủy, Ƀộ trưởng Ƀộ Cribơyai broă mờ lơgar ndai, Cau ala mat Quôk hội khoă 15, nàng yal tơngĭt tơlik mat tĕ khà Cau ala mat Quôk hội khoă 16, tơngai lơh broă bơh nam 2026–2031.

VOV.K'Ho- Drim òr (15/01), Mpồl Đơng lam ling klàng càr Lâm Đồng bơyai lơh pơrjum yal, lơh jăt broă lơh wơl, khà kwang bàng tàm Mpồl Đơng lam ling klàng sàh, sơnah ƀòn, tiah is ồn tàm càr do dê.

VOV.K'Ho- Ngai òr (15/01), tàm Hà Nội, Thủ tướng ồng Phạm Minh Chính neh geh jơnau đơs kwơ màng tàm Pơrjum Kwang bàng Kấp dờng Sồ mpồl ASEAN dơ̆ 6.

VOV.K’Ho- Tàm Tiah tềl lời wơl kah yau Đồng Khởi, sàh Hòa Thịnh, Anih duh broă Làng bol càr Dăk Lăk bơyai lơh tơn jơh mờ tơngăc mpồl ling klàng tus bal “Broă lơh Quang Trung” lơh sir kơnòl broă dong làng bol bơsong jơnau gơ lời wơl tơnơ̆ mìu càl rơbŭt dờng, dà tih dà lìu, bơt bơtàu mờ lơh niam wơl hìu ơm tàm ù tiah càr dê, lòt gùng rê wơl tàm mpồl ling.

VOV.K'Ho- Mho ngai 14/01/2026, tàm Hìu duh broă Đảng Dà lơgar, Tổng Ƀí thư ồng Tô Lâm wă mò Chea Kimtha, Kwang ătbồ Anih lơh broă ala măt lơgar Bơtau Campuchia tus còp tơngăc di dơ̆ tơn jơh tơngai lơh kơnòl broă tàm Việt Nam.