Mho ngai 26/8, tàm càr Cao Bằng, Mpồl lơh broă đơng lam Đảng, Dà lơgar mờ Bộ Ling klàng bơh Đại tướng ồng Phan Văn Giang, Kwang bàng Bộ Chính trị,  Phó Thủ tướng Chính phủ, Bộ trưởng Bộ Ling klàng lơh kwang lam bồ Mpồl, tus bal mờ jàu Sơlòng 80 sơnam Đảng di dơ̆ 2/9/2026 ai đảng viên Nguyễn Khánh Trung in, gam pơrjum tàm Chi bộ jơrnum làng bol tiah drà Hoàng Tung, sơnah ƀòn Thục Phán.

Đơs tàm dơ̆ bơyai lơh, Đại tướng ồng Phan Văn Giang gờm chờ ồng Nguyễn Khánh Trung chờ hờp dờp Sơlòng 80 sơnam Đảng, phan ƀàn dờng màng cih dờp tŭ tơngai pơlam tàp, tă pơgồp dà kơl hề ai broă lơh kăc màng bơh Đảng dê. Do kung là bơta chờ hờp, pơn yờ să bơh hìu bơnhă, ƀòn lơgar mờ Đảng bộ càr Cao Bằng dê. Đại tướng ồng Phan Văn Giang đơs sùm, lòt gan uă mpồl lơh broă, gơnoar lơh broă, ồng Nguyễn Khánh Trung sùm gàr kơ̆ nùs nhơm khin cha chính trị, jơh nùs dòn song mờ Đảng, Dà lơgar tờm mờ làng bol; jơh nùs jơh tồr, lơh krơh niam, rềp mềr mờ làng bol. Tơnơ̆ tŭ ơm rlô lơh broă, ồng pơn jat tai sền gàr nùs nhơm niam, jơh nùs tus bal srơh tàm ƀòn lơgar, là tiah kơl dìng nùs nhơm bơh hìu bơnhă mờ làng bol dê.