Tàm dar pơrjum, Thủ tướng sồr pơn jăt tai sền wơl nền nòn bơta di mờ sơnoa boh lam, adăt boh lam, gàr di mờ nùs nhơm ring bal, ndrờm bal mờ geh cồng nha ală jơnau rơcang cih adăt boh lam; ờ tơmŭt tàm adăt boh lam ală gùng dà broă lơh ờ hềt geh sền tơl ha là ờ tus tơn drơng jơnau kờñ tam gơl. Is ồn, ờ lời geh “trồm”, “tiah ha” nàng sơgràm, gơlik geh bơta ờ niam ha là “geh kwơ mpồl” in.

Thủ tướng sồr ală anih lơh broă jal mhar lơh gơs sră nggal, gàr bơta niam, tơngai yal Anih duh broă Lơh kơnòl broă sùm Quốc hội mờ yal Quốc hội in tàm dar pơrjum lồi nam. Mờ, rơcang pơgồp bal nền nòn mờ ală anih lơh broă bơh Quốc hội dê, ală bộ, gah lơh broă dà lơgar gơrềng bal, iăt ală cau jăk đơs tàm broă lùp sền, lơh gơs jơnau rơcang cih adăt boh lam.