VOV.K’Ho- Mho òr (06/07), mpồl 4 hìu măi đèng càl tàm sàh Krông Buk mờ Pơng Drang, càr Dăk Lăk ngan ngồn lơh broă, pờ tơlik đèng mờ mut bal mờ gùng che đèng dà lơgar.

VOV.K’Ho- Tơnkah 80 nam Ngai bơhiàn mpồl Kwang àng Làng bol (12/7), 72 nam Ngai bơhiàn Mpồl Bơta chài măi mok lơh broă ờs mờng (01/7), drim 6/7, tàm Hà Nội, ồng Tô Lâm, Tổng Bí thư, Chủ tịch lơgar tus còp mờ đơng lam dơ̆ lơh broă mờ Anih tờm bơta chài măi mok lơh broă ờs mờng, Bộ Kwang àng.

VOV.K’Ho- Drim òr (06/07), tàm Hìu Quốc hội, ồng Trần Thanh Mẫn- Chủ tịch Quốc hội neh đơng lam Pơrjum Mpồl Lơh kơnòl broă sùm Anih duh broă Đơng lam Đảng Quốc hội ring bal tơnggơs Mpồl Kơlôi sơnơng mìng dùl tơngume gơwèt Anih duh broă Đơng lam Đảng Quốc hội mờ broă tơnggơs Kụk Tam gơl sồ gơwèt Cơldŭ lơh broă Quốc hội.

VOV.K’Ho- Drim òr (06/07), tàm Suơn bal Lê Thị Riêng, Anih duh broă Làng bol ƀòn dờng Hồ Chí Minh, Gah Đơng lam Ling tiah 7, Mpồl sồr lơh bè lòt jòi, rờ tơrgùm mờ đal git mat ƀồc ntìng cau ling chơt màng neh bơyai lơh Dơ̆ lam lơh lòt jòi, rờ tơrgùm ƀồc ntìng cau ling chơt màng tàm Suơn bal Lê Thị Riêng, sơnah ƀòn Hưng Hòa.

VOV.K’Ho- Tỉñ ủy càr Quảng Ngãi pa bơyai lơh pơrjum yal ală jơnau lơh nền bơh Mpồl đơng lam Đảng dê bè broă lơh kwang bàng gơwèt mờ Anih duh broă Sền sơwì Tỉñ ủy càr Quảng Ngãi tơngai lơh broă bơh nam 2025-2030.

VOV.K’Ho- Lơh pràn tam gơl sồ, bơt bơtàu mpồl cau dong kờl is lơh broă ờs mờng là 2 gah tam gơl pràn geh Mpồl Chữ thập đỏ càr Dăk Lăk sền gĭt tàm tơngai lơh broă 2026-2031.

VOV.K’Ho- Tàm Hìu lơh broă Chính phủ geh bơyai lơh Dar pơrjum Chính phủ ờs mờng nhai 6 nam 2026 mờ Pơrjum pờ tơlik tơn tàm internet Chính phủ mờ ală tiah.

VOV.K’Ho- Mpồl duh broă Đảng bộ càr Gia lai khoă 16 bơyai lơh pơrjum dơ̆ 4 tơngai lơh broă bơh nam 2025 -2030 tơrgùm sền sơwì cồng nha lơh jat kơnòl broă 6 nhai bồ nam, ai tơlik gùng dà broă lơh ai ală nhai lồi nam mờ sền sơwì uă tơngume kwơ màng bè broă lơh bơt bơtàu Đảng, bơtàu tơnguh lơh sa- mpồl bơtiàn.

VOV.K'Ho- Lơh jăt “Broă lơh dờng 500 ngai mang” bơh Mpồl Sồr lơh Dà lơgar dê bè lòt jòi, rờ tơrgùm mờ đal gĭt muh măt ƀồc ntìng cau ling chơ̆t màng lam lơh, nàng kờñ lơh mhar tơngai pơrgon lơh gơs broă lòt jòi ală cau khin cha jak chài chơ̆t màng mờ ai mẫu ADN nàng đal gĭt muh măt, wèt tus tơngkah kir sơnrai 80 nam Ngai Cau ling sồt să – Cau ling chơ̆t màng (27/7), ală ngai do, Anih duh broă Làng bol ală càr Tây Nguyên mờ Đah Jum tàm gùl lơgar lam lơh dơ̆ lơh uă tơrgùm dờp mẫu siñ phẩm ADN bơh cau pròc mhàm cau ling chơ̆t màng dê ờ hềt gĭt geh jơnau yal tàm ù tiah jơh gùt kơnhoàl ù tiah do.

VOV.K'Ho- Mho òr (05/07), tàm ƀòn dờng Hồ Chí Minh, Mò Phạm Thị Thanh Trà, Phó Thủ tướng Chính phủ lòt sền broă rơcang ai Jòi rồ, tơrgùm ƀồc ntìng cau ling chơ̆t màng tàm Ƀlàng nhơl chờ Lê Thị Riêng )sơnah ƀòn Hoà Hưng, gơwèt quận 10 lài do).