VOV.K’Ho- Drim òr (17/11), tàm Hà Nội, Lùp sền Cíñ phủ bơyai lơh dơ̆ tơnkah 80 nam Ngai bơhiàn Lùp sền Việt Nam (23/11/1945- 23/11/2025).

VOV.K’Ho- Tàm tơngume lòt còp ngan ngồn Dà lơgar Kuwait, Thủ tướng Cíñ phủ ồng Phạm Minh Chính bal mờ Mpồl cau ala mat kấp dờng Việt Nam neh tìp mat kwang bàng, cau lơh broă anih lơh broă ala mat lơgar Việt Nam mờ mpồl bơtiàn cau Việt Nam tàm Kuwait.

VOV.K’Ho- Drim òr (17/11), mìu dờng jŏ jòng pơgồp bal mờ dà kŏ dà cò uă tiah bơh bồ tô dà neh lơh gơlik uă hoàc huơr bè cau mờ phan bơna bơt bơtàu gùng lòt rê tàm ală càr Lâm Đồng- Khánh Hoà mờ Dăk Lăk.

VOV.K'Ho- Ală ngai do, broă kờñ blơi phan lơh hìu bơh làng bol tàm càr Gia Lai dê gơguh uă nàng lơh niam wơl hìu đam tơnơ̆ mờ mìu càl dờng sồ 13. Tềng đăp mờ bơta mùl màl do, mpồl lơh broă geh gơnoar tàm càr Gia Lai tơnguh broă lòt sền, jăt sền mờ sồr ală hìu tăc phan bơ̆t bơtàu kĭ jơnau hơ ờ sơmờm bơh broă gơtìp rềs àr bơh trồ tiah nàng tơnguh priă tăc lơh geh kwơ is.

VOV.K'Ho- Drim òr (17/11), tàm Hìu bơsram Đại họk Lơh pơgru Hà Nội, Củ tịc lơgar ồng Lương Cường tus pơrjum Tơnkah Ngai cau pơgru Việt Nam (20/11) mờ Pơrjum dờng Pơrlòng kờñ gơboh dà lơgar gah bơto bơtê dơ̆ VIII.

VOV.K’Ho- Tơnkah 95 nam Ngai bơhiàn Mặt trận Dà lơgar Việt Nam pa do, Thủ tướng ồng Phạm Minh Chính neh tus bal Ngai Chờ tam klăc dờng jơh gùt jơi bơtiàn mờ làng bol tiah làng bol ơm kis Thắng Kiên, sàh Đề Gi, càr Gia Lai. Kung tàm dơ̆ do sơl, Phó Thủ tướng Cíñ phủ ồng Mai Văn Chính neh tus bal Ngai chờ Tam klăc dờng jơh gùt jơi bơtiàn tàm tiah làng bol ơm kis ală thôn Suối Cau - Suối Sâu - Bến Khế, sàh Bắc Khánh Vĩnh, càr Khánh Hòa.

VOV.K’Ho- Di dơ̆ Tơnkah 95 nam Ngai tơng gơs Mặt trận Jơi bơtiàn tơrgùm dùl Việt Nam, ngai 16/11, tàm sơnah ƀòn Ba Đình, ƀòn dờng Hà Nội, Củ tịc Quôk hội ồng Trần Thanh Mẫn tus bal, chờ hờp bal Ngai chờ tàm klăc dờng jơh gùt jơi bơtiàn mờ làng bol tiah làng bol ơm kis Mpồl 1, sơnah ƀòn Ba Đình bal mờ cau pơgru kơnòm bơsram Hìu bơsram kấp pe Phan Đình Phùng.

VOV.K'Ho- Tàm pơrjum dơ̆ 7 Mpồl duh broă Làng bol càr Lâm Đồng khoă X tơngai lơh broă bơh nam 2021 tus 2026 neh pồ ồng Lưu Văn Trung, Phó Ƀí thư Tỉñ ủy càr Lâm Đồng at gơnoar broă Củ tịc Mpồl duh broă Làng bol càr tơngai bơh nam 2021 tus 2026.

VOV.K'Ho- Ngai òr (16/11), Phó Thủ tướng Cíñ phủ ồng Hồ Quốc Dũng tus sơn đờm mŭt lơh Rơndăp broă lơh Hìu bơsram ơm sa bic tơn bàr kấp bơh Kấp dùl tus kấp bàr tàm 07 sàh tiah nhàr lơgar đah măt tơngai mŭt càr Gia Lai.

VOV.K'Ho- Dờp jơnau jà bơh Thủ tướng lơgar Kuwait ồng Sheikh Ahmad Abdullah Al-Ahmad Al Sabah, mho òr (16/11), Thủ tướng Cíñ phủ ồng Phạm Minh Chính bal mờ Pơ-ùr mờ Mpồl kwang bàng ala măt kấp dờng lơgar Việt Nam neh tus ƀlàng rơndeh par Kuwait sơn đờm dơ̆ tus còp mùl màl lơgar Kuwait.