VOV.K’Ho- Càr Khánh Hòa gam lơh gơs bơta tam gơl loh làng ngan tàm broă tam gơl wơl sră pơ àr gơnoar atbồ tŭ tơrmù lơyah tŭ tơngai bơsong rơlao 1 rbô 100 sră pơ-àr, geh mờr 60% kờp jơh khà sră pơ àr geh ngui tàm càr.

VOV.K’Ho- 28 nă kơnòm dềt chơt tài rềs àr sồt să tàm 6 nhai bồ nam 2026 tàm càr Lâm Đồng, tàm hơ̆ rềs àr bŭ dà geh mờr 90%, mùl màl là dùl bơta tơngkah lài nđàc sơng git ngan. Bơta kơn jơ̆ bơh broă do dê dùl dơ̆ tai geh tơnguh tus bơta tơngkah lài tơnơ̆ dơ̆ bŭ dà pa gơlik geh tàm sàh Nâm Nung, càr Lâm Đồng.

VOV.K’Ho- Tàm Hà Nội, ồng Tô Lâm, Tổng Bí thư, Chủ tịch lơgar pa tus bal mờ đơs tàm dơ̆ tơnkah 80 nam Ngai bơhiàn Mpồl Kwang àng Làng bol mờ dờp rò Sơlòng Sơrmañ Rơmĭt dơ̆ 2.

VOV.K’Ho- Ngai òr (12/07), tàm ƀòn dờng Buôn Ma Thuột, Anih duh broă Làng bol càr Dăk Lăk pơgồp bal mờ Hìu bơsram kơlôi sơnơng Chính trị Dà lơgar Hồ Chí Minh bơyai lơh pơrjum bơyai jak chài “Dăk Lăk tàm rài pa”.

VOV.K'Ho- Tàm Hà Nội, ồng Lê Minh Hưng, Thủ tướng Chính phủ pa đơng lam dơ̆ pơrjum jờng rơ mờ tìp măt Mpồl lơh broă dong kờl, dong klàs cau gơtìp rềs àr pa lơh gơs jăk ngan kơnòl broă dong kờl kòn bơnus tàm lơgar Venezuela rê hờ lơgar tờm.

VOV.K'Ho- Prao nhai bồ nam, lơh sa mpồl bơtiàn càr Khánh Hoà dờp geh uă cồng nha niam, tă kes priă geh mờr 28 rơbô tơmàn đong bal mờ uă khà broă kwơ màng lơh geh mờ sơrlèt mờ jơnau geh ai. Mơya, bơdìh mờ ală bơta tơngŏ niam, uă cau ala măt Mpồl duh broă Làng bol càr đơs là càr Khánh Hoà pal gờñ tơrmù broă gơrềng bơh tàm broă geh bơh ù tiah, ai geh bơta pràn gơguh lơh sa bơh lơh sa, kă bro, bơcri priă ai lơh sa mpồl bơtiàn in.

VOV.K’Ho- Mờ nùs nhơm jơnau kơ̆p kờñ gơ gơs broă lơh, ai jơnau lơh nền gơ gơs cồng nha, đơs là lơh, lơh mơ, lơh di, lơh kràñ cê jơh nùs, lơh tus gùng tus dà mờ lơh geh cồng nha”, ồng Lê Minh Hưng- Thủ tướng Chính phủ neh đơs nền bơta do, tàm jơnau đơs iăt kơno jơnau đơs sồr lơh bơh ồng Tô Lâm- Tổng Bí thư, Chủ tịch lơgar dê tàm dar pơrjum Chính phủ ờs mờng nhai 6 mờ Pơrjum pờ tơlik tơn tàm internet Chính phủ mờ ală ƀòn lơgar dê.

VOV.K'Ho- Đơng lam dơ̆ lơh broă mờ gah Broă dơlam is bè cồng nha cau lơh broă lơgar Việt Nam dê, gùng dà broă rơndăp lơh lơh geh broă lơh kơnhăp jŏ tàm ƀòn lơh broă sa sươn sre, tiah drà, tiah làng bol jơi bơtiàn dồ êt nă cau in, ồng Tô Lâm, Tổng Bí thư, Chủ tịch lơgar đơs loh: nùs nhơm, sùm sùm bơh Đảng mờ Dà lơgar dê là lơh geh broă lơh kơnhăp jŏ tàm tiah làng bol jơi bơtiàn dồ êt nă cau gơ jăt bal mờ lơh geh wơl bơta pràn dơlam is, gơmù rƀah kơnhăp jŏ mờ sền gàr bơhiàn niam chài krơi is.

VOV.K'Ho- Mho ngai 9/7, tàm Dà Làc, càr Lâm Đồng bơyai lơh tìp măt lơh kwèng tàm tơrbŏ mờ lơh broă bal bơtàu tơngguh lòt nhơl mờ Mpồl lơh broă Cơldŭ lơh broă ala măt lơgar Kộng hoà Indonesia dê tàm ƀòn dờng Hồ Chí Minh.

VOV.K’Ho- Tàm 6 nhai bồ nam do, lòt nhơl pơn jat tai là bơta àng bơh ală càr Dăk Lăk, Gia Lai tŭ mpồl năc mờ priă lơh geh ndrờm sơr lèt mờ broă rơndăp lơh gơguh tai geh ai.