Đơs tàm dơ̆ lơh broă, ồng Trần Thanh Mẫn, Chủ tịch Quốc hội sồr, lơh jăt nền nòn, git loh làng ală gùng dà broă lơh bơh Đảng, adăt boh lam bơh Dà lơgar dê bè ling klàng, sền gàr dà lơgar; bơta tờm “Broă kwơ màng Sền gàr Dà lơgar tàm bơta pa”, “Broă kwơ màng bơtàu tơnguh kơl jăp lơh sa dà lềng lơgar Việt Nam tus nam 2030, wèt tus nam 2045”; sền gàr gơnoar tờm dà lềng, bồt dà lềng.

Ồng Trần Thanh Mẫn, Chủ tịch Quốc hội pin dờn là, mờ bơhiàn “Tam lơh khin cha jăk chài, ngăc ngar bơceh lơh, lơh tờm tiah dà lềng, lơh ngan pha lin”, mờ nùs nhơm kơ̆p gơn mờ lơh ngan uă, kơnòl broă dờng, kwang bàng, cau ling Ling tàm dà lềng rơ̆p pơn jăt tai tam klăc bal, tam gơl pa, bơceh lơh, lơh is, pràn is, sơrlèt mờ git nđờ kal ke, lơh gơs jăk chài ngan ală kơnòl broă.