Tàm 4 rơndăp broă lơh Mpồl A, geh 2 rơndăp broă lơh càr Dăk Lăk dê. Càr Gia Lai mờ càr Lâm Đồng tơl càr geh 1 rơndăp broă lơh. Ală rơndăp broă lơh do wèt tus lơh gơs phan tơlir bơkah, phan sa ala mờ phan geh lơh bơh broă lơh sa suơn sre brê bơnơm dê; 1 rơndăp broă lơh lơh kloh kơmhò sầu riêng gơs ală phan geh uă bơta kwơ.

Đơs bè ală rơndăp broă lơh tàm dar pơrlòng bơh Dơ̆ pơrlòng sơn đờm Mŭt lơh broă tơlir tiah tàm Gùl lơgar mờ Tây Nguyên nam do, Mpồl ai khà pơrlòng sền gŏ geh uă mpồl pơrlòng neh geh broă lơh pa mờ khà phan geh lơh bơh tơl càr dê, tam gơl bơh broă lơh ală mpồl tam phan tus mờ broă ngui phan geh lơh ing, chế phẩm nàng lơh geh bơta kwơ pa. Mò Phạm Chi Lan, cau jăk gah lơh sa, dong pơlam broă lơh pà git: ală rơndăp broă lơh gam pà gŏ broă pơgồp bal, bơtơl bal tàm mpồl geh kwơ, mờ rơhời ngui broă tam gơl tơlir, tam gơl sồ jăt nùs nhơm ală jơnau lơh nền tàm pơrjum pa.