VOV.K’Ho- Mho òr (24/03), tàm Hìu lơh broă Ƀộ Cribơyai broă mờ lơgar ndai, Thứ trưởng Ƀộ Cribơyai broă mờ lơgar ndai ồng Đặng Hoàng Giang, Lam bồ SOM ASEAN Việt Nam neh wă Kwang atbồ Anih lơh broă ala mat lơgar Anh tàm Việt Nam ồng Iain Frew nàng kờñ cribơyai bè lơh broă bal đah ASEAN mờ Anh, mờ bơta git gơp 2 gah đah Việt Nam mờ Anh.

VOV.K’Ho- Kwang àng càr Gia Lai gam kràñ cê kơ̆ nùs lam lơh broă uă 90 ngai lơh geh wơl rơndap tap sèng mpồl bơtiàn, rơndap tap sèng tiah drà; tơrgùm bơsong bơta sơ gràm tiah kềng gah gùng, mat gùng tàm ală tiah drà mờ gùng lòt gal làng bol ơm kis; bơh hơ̆ lơh gơlik ù tiah tiah drà tơlir- sàng goh – niam bơnĕ, gờm chờ wă rò Nam Lòt nhơl dà lơgar 2026.

VOV.K'Ho- Tàm càr Dăk lăk, broă lơh Đoàn gam tam gơl pràn bơh broă lơh tus mờ broă geh lơh mùl màl, pơgồp bal mờ broă kờñ tàm mùl màl bơh tơl tiah dê.

VOV.K'Ho- Lơh jăt jơnau sồr bơh Thủ tướng Cíñ phủ dê bè kơryan tras kŭp phan tàm dà ờ di mờ adăt boh lam, ờ yal mờ ờ jăt jơnau sồr (hòi lơyah là IUU) dê, bơh ngai 01 nhai 7 tus, jơh ală ơhò ka jòng bơh 24 thơ̆k rơlao hờ đang càr Lâm Đồng dê rơ̆p ngui Ală jơnau cih pah ngai tras kŭp phan tàm dà mờ Cih pah ngai jơnau blơi, jun pơn diang phan tàm dà điện tử.

VOV.K'Ho- Tàm dơ̆ tus còp mùl màl lơgar Nga, Thủ tướng ồng Phạm Minh Chính wă Củ tịc Đảng Kộng sản lơgar ală ƀang Nga ồng Ziuganov.

VOV.K’Ho- Tàm Hà Nội, mò Bùi Thị Minh Hoài, Kwang geh jơng Ƀộ Cíñ trị, Ƀí thư Đảng Dà lơgar, Củ tịc Anih duh broă Mặt trận dà lơgar Việt Nam pa pơrjum bơyai mờ mò Men Sam An, Pgó Củ tịc Đảng Làng bol Campuchia, Củ tịc Mpồl duh broă Dà lơgar Mặt trận Tam klac bal bơtàu tơnguh dà lơgar tờm Campuchia.

VOV.K’Ho- Drim òr (24/03), Đảng ủy Cíñ phủ lam lơh Dơ̆ pơrlòng cribơyai cíñ trị bè sền gàr tơngume bồ tơngoh Đảng dê dơ̆ 2 nam 2026 tàm gùt Đảng ƀộ, mơkung bơyai lơh Pơrjum Yal cau mblàng yal jơnau mờ Yal tơngĭt jơnau yal mìng dùl tơngume qúy I.

VOV.K’Ho- Tàm dơ̆ lòt còp ngan ngồn lơgar ală ƀang Nga, ngai 23/3, Thủ tướng Cíñ phủ ồng Phạm Minh Chính neh pơrjum bơyai mờ Thủ tướng lơgar ală ƀang Nga ồng Mikhail Mishustin tàm Hìu lơh broă Thủ tướng.

VOV.K'Ho- Tàm kàl lơh ka uă, mơya git nđờ rơhiang nơm ơhò ka bơh cau lơh ka càr Dăk Lăk dê pal ơm tềng anih ơhò ơm tài priă jờu gơguh kas, lơh broă tăc dơ̆ lòt lơh ka tàm dà lềng uă rơlao mờ bơta pràn bơtơl wơl.

VOV.K'Ho- Mho òr (23/03), Phó Củ tịc Anih duh broă Làng bol càr Lâm Đồng ồng Nguyễn Hồng Hải lơh broă mờ ală sờh, gah lơh broă tàm càr bal mờ ală sàh, sơnah ƀòn mờ cau tờm bơcri priă bè broă lơh rơndăp broă Tiah lơh sa mờ măi mok Tân Đức tàm sàh Tân Minh, mờ bơta dờng ơnàng toh wơl ù rơlao 300 lồ.