VOV.K'Ho- Tàm Hà Nội, Lam bồ Mpồl Mblàng yal Bơto bơtê mờ Hòi jà làng bol Dà lơgar ồng Trịnh Văn Quyết, bal mờ mpồl lơh broă tus còp, chờ gờm Mpồl jăt yàng Phờk Dà lơgar Việt Nam di Pơrjum dờng Kah ngai deh Yàng Phờk, Nam Yàng Phờk 2570 – Nam Tây 2026, tàm hìu yàng Phờk Quán Sứ.

VOV.K'Ho- Rơndăp ù tiah bơtàu tơngguh lơh sa mờ măy mŏk, sơlơ tàm tơrbŏ tiah, bơtàu tơngguh lòt nhơl gơ jăt bal mờ prăp gàr niam chài…là ală tơngume pal sền ngăc ngan tàm Pơrjum cribơyai tă pơgồp jơnau đơs tam gơl wơl Rơndăp ù tiah càr Dăk Lăk tơngai bơh nam 2021- 2030, wèt sền tus nam 2050, bơyai lơh tàm Buôn Ma Thuột, mờ bơta tus bal bơh uă cau jak chài, cau ătbồ mờ mpồl lơh sa kă bro bơcri priă tàm jơh gùt lơgar.

VOV.K'Ho- Mho ngai 21/5, tàm Hìu duh broă Đảng Dà lơgar, ồng Tô Lâm, Tổng Ƀí thư, Củ tịc lơgar đơng lam dơ̆ lơh broă mờ Mpồl Gùng dà broă lơh mờ Broă rơndăp lơh dờng Dà lơgar dê mờ bàr pe ƀộ gah Dà lơgar bè pơlam gùng bơtàu tơngguh lơh sa mờ măy mŏk phan ngui bơ̆t bơtàu tàm Việt Nam.

VOV.K’Ho- Mho ngai 21/5, tàm Hìu lơh broă Quôk hội, Củ tịc Quôk hội ồng Trần Thanh Mẫn đơng lam dơ̆ pơrjum mờ Duh broă sùm Anih duh broă Adat boh lam mờ Sền gàr Adat boh lam.

VOV.K'Ho- Kơryan lơh pờng tàm hìu bơsram kờñ pal sơnđờm bơh tờm: bơt bơtàu dùl tiah bơsram lơngăp lơngai, niam chài kòn bơnus mờ kơnòm bơsram geh iăt kơno, geh tam pà bal, geh dong kờl nùs nhơm di tŭ.

VOV.K'Ho- Đơng lam bồ Anih duh broă Làng bol càr sồr ală cau tờm bơcri priă, ală tiah hơ tŭ tơngai ai priă bơcri jat tơl nhai, pơyoa broă rơndăp lơh geh ngan nàng tơrgùm wơl mờ jat sền.

VOV.K'Ho- Là tiah kwơ màng bơh Tây Nguyên dê, càr Dăk Lăk geh bă ù kwơ màng bè cíñ trị, sền gàr dà lơgar, lơngăp lơngai. Do kung là tiah ală cau pơrlơ̆ dră sùm sơmờm broă jơi bơtiàn, pin dờn jăt yàng nàng bơchồt, tam cah is mpồl tam klăc dờng gùt làng bol. Mơya, mùl màl bơh tàm ală ƀòn tŭ do pà gŏ, tŭ rài kis làng bol geh gơguh, broă lơh broă sa ngai sơlơ kơl jăp den nùs nhơm pin dờn Đảng, Dà lơgar kung gơguh kơl jăp, ai geh bơnàng jă kwơ màng gàr kơl jăp cíñ trị bơh tàm ƀòn lơgar tơn.

VOV.K'Ho- Tềng đăp mờ bơta uă sàh, sơnah ƀòn mờ tiah is ồn geh khà bơcri priă dà lơgar kấp sàh ờ uă ngan, Anih duh broă Làng bol càr Lâm Đồng sồr ală sàh, sơnah ƀòn, tiah is ồn lơh mhar broă bơcri priă, lơh ngan tus ngai 30 nhai 6 geh ờ uă ngan 40% broă rơndăp geh ai.

VOV.K'Ho- Ngai òr (21/05), Tổng Ƀí thư, Củ tìk lơgar ồng Tô Lâm đơng lam dơ̆ lơh broă bơh Duh broă sùm Mpồl Sồr lơh Dà lơgar dê bè broă bơtàu tơnguh bơta jăk chài măi mok, tam gơl pa bơceh lơh mờ tam gơl sồ.

VOV.K’Ho- Tàm càr Gia Lai, Mpồl Cau ling yau Việt Nam pa bơyai lơh tìp mat lơh kwèng pơn rơ jak tàm broă bơsram mờ lơh jat bồ tơngoh, nùs nhơm, rài kis mờ broă lơh Hồ Chí Minh dê tơngai bơh nam 2016-2026. Broă lơh nàng kờñ jờng rơ ală cau ling yau lam lài tàm broă bơtàu tơnguh lơh sa, dong làng bol tơrmù rƀah, sền gàr nùs nhơm cau ling bal mờ lơh gơrề uă nùs nhơm Cau ling Wa Hồ dê mờ ală broă lơh barah barài, geh ngan tàm rài kis pah ngai dê.