VOV.K’Ho- Ngai òr (27/07), bal mờ gùt lơgar tơngkah kir sơnrai 79 nam Ngai Cau ling sồt să - Cau chơt màng (27/7), Tỉnh ủy, Mpồl duh broă Làng bol, Anih duh broă Làng bol, Anih duh broă Mặt trận dà lơgar Việt Nam càr Dăk Lăk yŭ rơyùm bơyai lơh Dơ̆ jàu pà khà jờng pơn yờ să Dà lơgar “Mè Việt Nam khin cha jak chài” mờ jàu pà ală broă lơh jờng rơ, pà phan ƀàn dờng màng bơh Chủ tịch lơgar dê.

VOV.K'Ho- Mang òr (27/07), tàm Dà Làc, Anih duh broă Làng bol càr Lâm Đồng bơyai lơh dơ̆ pơrjum nàng lơh mhar ai priă bơcri dà lơgar dê nam 2026 mờ lơh jăt ală kơnòl broă tờm tàm tơngai tus.

VOV.K'Ho- Ngai òr (27/07) tàm Hìu lơh broă Đảng Dà lơgar, ồng Tô Lâm, Tổng Bí thư Mpồl Đơng lam Đảng Dà lơgar, Chủ tịch lơgar Cộng hoà xã hội chủ nghĩa Việt Nam lơh broă mờ Mpồl Lơh kơnòl broă sùm Đảng ủy mờ kwang đơng lam Lùp sền Chính phủ.

VOV.K'Ho- Anih duh broă Lơh kơnòl broă sùm Quốc hội tă pơgồp jơnau đơs gơwèt mờ Sră yal bơh Chính phủ dê bè jơnau rcang cih Jơnau lơh nền bơh Chính phủ dê cih broă lơh, broă dong kờl krơi is gơwèt mờ rơndăp broă lơh bơt bơtàu tiah drà gơrề tus dà lềng tàm ƀòn dờng Đà Nẵng.

VOV.K’Ho- Dơ̆ lơh chờ Sầu riêng càr Dăk Lăk dơ̆ dùl rơp geh bơyai lơh bơh ngai 15 nhai 08 tus ngai 02 nhai 9 mờ ală broă lơh niam chài, lòt nhơl, gơ hòi gơ jà kă bro phan mờ tàm tơrbŏ bal tăc bro phan lơh geh bơh broă sa suơn sre. Ờ mìng jờng rơ gah phan priă tơmàn dolar lơm, dơ̆ lơh chờ gam là dơ̆ nàng yal tơngĭt uă bơhiàn niam chài is Tây Nguyên, pờ ơnàng tŭ tơngai niam gơ hòi gơ jà bơcri priă mờ ai mat kă bro sầu riêng càr Dăk Lăk brồ guh ngài.

VOV.K’Ho- Dờp jơnau jà bơh ồng Trần Thanh Mẫn, Chủ tịch Quốc hội, mò Samdech Khuon Sudary, Chủ tịch Quốc hội lơgar Campuchia, lam bồ mpồl Cau ala mat kấp dờng Quốc hội lơgar Campuchia còp ngan ngồn lơgar Việt Nam bơh ngai 27 tus ngai 29 nhai 7 nam 2026.

VOV.K’Ho- Di dơ̆ tơnkah 79 nam Ngai Cau ling sồt să - Cau chơ̆t màng, mho ngai 26/7, tàm ƀòn dờng Hồ Chí Minh, ồng Trần Thanh Mẫn, Chủ tịch Quốc hội neh tus pơdơng bơkào, chu ñàng tàm Rùp mòn ƀồc ồng Trần Phú, Tổng Bí thư lài do, Hìu Tơrñăng kah kơlôi ală Cau ling khin cha jak chài chơ̆t màng, Hìu sền gàr ală ƀồc ntìng cau ling chơ̆t màng, tiah duh khoai Cau ling khin cha jak chài chơ̆t màng Lê Thị Riêng mờ Cau ling khin cha jak chài chơ̆t màng Trần Văn Kiểu.

VOV.K’Ho- Drim òr (26/07), tàm Hìu măi Điện phân Trà Dăk Nông, Tiah lơh sa mờ măi mok trà nrang sơn rờp geh lơh gơlik tàm Việt Nam.

VOV.K’Ho- Tàm sàh Ia Tul, càr Gia Lai sơnđờm mut lơh Rơndăp broă lơh kơ̆ kơl jăp tiah làng ơm kis tiah trồ tiah lơh aniai. Tŭ geh lơh sir, rơndăp broă lơh rơ̆p pơgồp bơnah lơh kơ̆ kơl jăp rài kis ai rlau 200 hìu bơnhă làng bol sùm gơtìp gơrềng tài bơh trồ tiah lơh aniai tàm tiah do dê.

VOV.K'Ho- Mang òr (26/07), geh bơyai lơh pờ tơlik sơn-io rùp tơn “Sơrmañ àng lam gùng”, di tơnkah 79 nam Ngai cah ling sồt să – Cau chơ̆t màng (27/7/1947 - 27/7/2026).