Cồng nha pơn rơ ngan bơh tam gơl sồ tơl làm tàm tơngai lài là VNeID mờ jơnau yal tơnggit làng bol ơm kis neh tơrgùm 8 mpồl jơnau yal tơnggit, sră pơ àr mờ 18 tơlak tài khoản geh dờp gàr lơngăp lơngai rài kis mpồl bơtiàn; 25 tơlak sră măi rơndeh… Lơh ndrờm bal 148 tơlak sồ điện thoại at tê tàm Anih yal jơnau tơnggit dà lơgar bè làng bol ơm kis, pơgồp bơnah tơrmù bơta SIM ờ ngan mờ cau tìs viễn thông.

Anih yal jơnau tơnggit đảng viên neh atbồ rlau 5 tơlak 300 rbô sră nggal. Khà bơnah rhiang priă lơh geh bơh tac hờ lơgar ndai phan măi mok pa geh 54% kờp jơh priă lơh geh bơh tac phan bơna mờ lơgar ndai. Đơs pơn dut dar pơrjum, Thủ tướng ồng Lê Minh Hưng sồr ală ƀộ, gah broă lơh dà lơgar, ƀòn lơgar pal tơnguh nùs nhơm geh kơnòl bơh cau lam bồ dê, bơsong jơh ală kơnòl broă neh rlau tŭ tơngai hơ pơrgon mờ tơrgùm lơh kloh, lơh ndrờm bal jơnau yal tơnggit sồ nàng drơng làng bol, mpồl lơh sa kă bro in dồ bă mùl màl. Ală ƀòn lơgar kờñ pal rơcang lài ai lơh jat broă lơh pơn jờng bè ù tiah lơh rơndap broă, gùng dà broă lơh, sră nggal mờ dia nàng dong kờl mpồl lơh sa kă bro jak chài măi mok sơn đờm mut lơh broă, bơceh lơh mờ lơh kă bro phan tàm ƀòn lơgar tơn.