Ală cau ala măt tơrgùm cri bơyai, pơgồp jơnau đơs gơwèt mờ 17 jơnau rơcang cih adăt boh lam kwơ màng, kờp dŭ yal Quốc hội tàm Pơrjum dơ̆ bàr, Quốc hội khoă XVI. Đơs tàm sơn đờm pơrjum, ồng Trần Thanh Mẫn, Chủ tịch Quốc hội đơs nền jơnau kờñ tơnguh uă bơta niam broă lơh adăt boh lam, sơn đờm bơh bơta niam broă lơh, ờ ntoăt jăt khà geh uă bơta.

Ală jơnau rơcang cih adăt boh lam pal bơsong geh ală bơta tàm mùl màl, bơsong gơkòl, bơsong bơta pràn, sền gàr gơnoar mờ bơta kwơ di adăt boh lam bơh làng bol, mpồl lơh sa kă bro in. Chủ tịch Quốc hội sồr ờ jào ală jơnau kal ke, gơrềng tus gơnoar kòn bơnus, gơnoar làng bol, bơta geh kă bro, tam pà bơta pràn mờ bơtau lơh geh bơta pràn mù tus jơnau lơh nền, jơnau yal. Mờ broă lơh adăt boh lam pal gàr nùs nhơm ndrờm bal đah ală adăt, gơdờp bal mờ broă lơh gơnoar atbồ bàr kấp, lơh pràn broă tam pà kấp, tam pà gơnăp gơnoar, nàng ală jơnau geh ai tŭ geh ngui gơtùi lơh geh cồng nha tàm mùl màl.