Drim òr (05/10), tàm Hà Nội, sơn đờm Pơrjum dơ̆ IV Mpồl duh broă Đảng Dà lơgar khoă XIV. Đơs sơn đờm Pơrjum, ồng Tô Lâm, Tổng Bí thư, Chủ tịch lơgar sồr Dà lơgar tơrgùm cri bơyai, pơgồp jơnau đơs bè ală bơta kwơ màng, geh nùs nhơm pràn gơwèt mờ broă bơtàu tơnguh dà lơgar tàm tơngai pa.

Pơrjum geh bơyai lơh tàm bơta dunia pơn jăt tai geh tơngŏ tam gơl, tàm pơrlòng, tam lơh kă bro mờ ală tam gơl mhar bè bơta chài, măi mok geh ai uă jơnau kờñ pa gơwèt mờ lơgar Việt Nam. Ồng Tô Lâm, Tổng Bí thư, Chủ tịch lơgar sồr Dà lơgar tơrgùm tàm 4 mpồl broă dờng, tàm hơ̆ geh pơn jăt tai tơnguh uă bơta pràn đơng lam, at gơnoar broă mờ bơta pràn tam dră Đảng dê; tam gơl pa gùng dà broă đơng lam, tơnguh uă bơta pràn, cồng nha broă lơh bơh mpồl lơh broă chính trị; bơ̆t bơtàu mpồl kwang bàng, bơtàu tơnguh mờ ngui niam cah jăk; mờ ai tơngŏ di ală jơnau ai lài, hòi jà mờ ngui geh cồng nha ală bơta pràn ai broă bơtàu tơnguh mhar, kơl jăp. Ồng Tô Lâm, Tổng Bí thư, Chủ tịch lơgar sồr ală broă lơh pal di mờ mùl màl, bơsong ală gơkòl, ai tơngŏ loh làng kơnòl broă mờ lam jăt kràñ cê jơh nùs, geh cồng nha, di pal mờ jơnau kờñ bơtàu tơnguh dà lơgar dê tàm rài pa.