Ồng Tô Lâm, Tổng Bí thư, Chủ tịch lơgar sồr Mpồl Kwang àng làng bol lài do ală kấp mùl màl là hìu ơm bal, pơgồp bal nùs nhơm oh mi, cau tàm mpồl; sền gròi drơng gàr pràn kơl dang să jan, rài kis phan bơna, nùs nhơm, tàm hơ̆ uă ngan là gơwèt mờ cau geh rài kis kal ke.

Mpồl pal tơnguh gơnoar tờm tàm broă gùt làng bol sền gàr lơngăp lơngai Dà lơgar; pơgồp bal mờ mpồl Kwang àng bal mờ gơnoar atbồ tàm ƀòn lơgar atbồ, bơto bơtê ală cau di gơlan gơtìp kal ke bè lơngăp lơngai; mờ lơh anih tơrbŏ bal ai gùng dà broă lơh bơh Đảng, adăt boh lam bơh Dà lơgar tus mờ làng bol. Ồng Tô Lâm, Tổng Bí thư, Chủ tịch lơgar kung sồr Mpồl do sền kwơ broă bơto bơtê bơhiàn kờñ gơboh dà lơgar, nùs nhơm khin cha jăk chài kăc màng mờ bơhiàn jăk chài bơh Kwang àng làng bol dê ai rơnàng kơnòm să in; tơnguh nùs nhơm pin dờn, broă lơh mờng chài bơh ală rơnàng kwang àng lài do dê tàm broă bơ̆t bơtàu rài kis niam chài, gàr niam lơngăp lơngai tàm ƀòn ơm kis. Bộ Kwang àng mờ Anih duh broă Mặt trận Dà lơgar Việt Nam geh sồr kơlôi sơnơng, ai geh kơnroăt boh lam, broă lơh di pal nàng Mpồl lơh niam kơnòl broă geh Đảng, Dà lơgar jào.