Broă lơh bơh Ƀộ Kwang àng mờ Mpồl tam klac cau ùr Việt Nam pơgồp bal bơyai lơh wèt tus tơngkah kir sơnrai 96 nam Ngai crơng gơs Mpồl tam klac cau ùr Việt Nam (20/10/1930 - 20/10/2026) mờ Ngai cau ùr Việt Nam 20/10. Broă lơh đơs crih tamya “Tàm tơrbŏ bal gơboh kờñ” là jơnau geh ai tơnggŏ mờ sap ntas gùng đơs crih, tamya, rùp hin, bơta àng, jơnau yal lơyah mờ niam chài bơyai lơh, bơh 3 bơnah “Bơta gơboh ƀòn tờm” - “Tàm tơrbŏ bal gơboh kờñ” - “Sap ntas plai nùs”.

Bơh Broă lơh, Ƀộ Kwang àng mờ Mpồl tam klac cau ùr dà lơgar Việt Nam kơp kờñ lơh gơ rề bơhiàn ờs mờng “tàm kờñ gơboh bal kòn bơnus”, tơnguh kơnòl mờ bơta at tê bal mpồl bơtiàn dê mờ ală broă lơh ngan ngồn, pơgồp bơnah tam pà kal ke mờ cau ùr mờ kơnòm dềt kòp kơn jơ̆ geh rài kis uă kal ke, mờ kung lơh gơ rề rùp să cau kwang bàng, cau ling kwang àng làng bol geh kơnòl, niam chài kòn bơnus, tài làng bol mờ drơng lơh.